കൊച്ചിയെ ഇളക്കി മറിക്കാൻ തെന്നിന്ത്യൻ താരം അല്ലു അർജുൻ എത്തുന്നു. പുഷ്പ -2 ന്റെ പ്രമോഷന്റെ ഭാഗമായി 27-നാണ് അല്ലു അർജുൻ കൊച്ചിയിലെത്തുന്നത്. പുഷ്പ നായകനെ കൊതിതീരെ കാണാനുള്ള ആകാംക്ഷയിലാണ് പ്രേക്ഷകർ. ഡിസംബർ അഞ്ചിനാണ് പുഷ്പ-2 തിയേറ്ററുകളിലെത്തുന്നത്.
ഏറ്റവും കൂടുതൽ മലയാളി ആരാധകരുള്ള തെലുങ്ക് നടനാണ് അല്ലു അർജുൻ. താരത്തിന്റെ വരവ് ആരാധകരെ ആവേശത്തിലാഴ്ത്തുകയാണ്. തെലങ്കാനയുടെ മണ്ണിൽ നിന്നും പുഷ്പരാജിനെ കേരളത്തിലെത്തിക്കാനുള്ള ഒരുക്കത്തിലാണ് E -4 എന്റർടൈൻമെന്റ്സ്. സിനിമ റിലീസ് തിയതി പ്രഖ്യാപിച്ച ഉടൻ തന്നെ ഫാൻസ് ഷോ ടിക്കറ്റുകളുടെ വിതരണം പൂർത്തിയായിരുന്നു.
ലോകമൊട്ടാകെ ഏറ്റെടുത്ത ബ്ലോക്ക്ബസ്റ്റർ ചിത്രമായിരുന്നു പുഷ്പ ദ റൈസ്. ചിത്രത്തിന്റെ രണ്ടാം ഭാഗം സമാനതകളില്ലാത്ത ദൃശ്യവിരുന്ന് നൽകുമെന്നാണ് റിപ്പോർട്ട്. ചിത്രത്തിന്റെ ഗംഭീര ട്രെയിലർ അടുത്തിടെ പുറത്തെത്തിയിരുന്നു. ചിത്രം ഇതിനോടകം 1000 കോടി രൂപയുടെ പ്രീ റിലീസ് ബിസിനസ് നേടി.
യുഎസിലെ പ്രീമിയർ ഷോകളുടെ പ്രീ-സെയിൽസിൽ ഒരു മില്യൺ ഡോളര് എന്ന നാഴികക്കല്ല് പിന്നിട്ടിരിക്കുകയാണ് ചിത്രം. ഒപ്പം പ്രീബുക്കിംഗ് ഇനിയും വര്ദ്ധിക്കും എന്നാണ് വിവരം. അമേരിക്കയിൽ മൈത്രി മൂവി മേക്കേഴ്സിന് വേണ്ടി പ്രത്യങ്കര സിനിമാസാണ് ചിത്രം വിതരണം ചെയ്യുന്നത്.
