മേടം രാശി (അശ്വതി, ഭരണി, കാർത്തിക ആദ്യ കാൽഭാഗം)
ഈ വാരത്തിൽ ജീവിതത്തിൽ സന്തോഷവും സമൃദ്ധിയും നിറയും. ദീർഘകാലത്തെ തെറ്റിദ്ധാരണകൾക്ക് വിട പറഞ്ഞ്, പ്രിയ സുഹൃത്തുക്കൾ വീണ്ടും ഒന്നിക്കുന്ന ഒരു സമയമാണിത്. കുടുംബാംഗങ്ങളും ബന്ധുക്കളും സന്തോഷവും സ്നേഹവും നിറയ്ക്കും. ഈ സമയം അവരുമായി സമയം ചെലവഴിക്കാനും അവരുടെ പിന്തുണയും സ്നേഹവും ആസ്വദിക്കാനുമുള്ള ഒരു അവസരമാണ്. സുഹൃത്തുക്കളോടൊപ്പം ഉല്ലാസയാത്ര പോകുവാൻ അവസരം ലഭിക്കും.പുതിയ സ്ഥലങ്ങൾ കാണാനും പുതിയ അനുഭവങ്ങൾ നേടാനും ഈ യാത്ര അവസരമാണ്. കഠിനാധ്വാനത്തിനും സമർപ്പണത്തിനും ഫലം ലഭിക്കുന്ന സമയമാണിത്. ജോലിയിൽ സ്ഥാനക്കയറ്റം ലഭിക്കാനും മറ്റ് ആനുകൂല്യങ്ങൾ നേടാനും നിങ്ങൾക്ക് സാധ്യതയുണ്ട്. പുതിയ വാഹനം, ഗൃഹം എന്നിവ ലഭിക്കും.
ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം)
ഈ വാരം ഗുണദോഷ സമ്മിശ്ര ഫലങ്ങളാണ് പ്രതീക്ഷിക്കാവുന്നത്. ചില നല്ല കാര്യങ്ങൾ സംഭവിക്കാൻ സാധ്യതയുണ്ടെങ്കിലും, ചില വെല്ലുവിളികളും നേരിടേണ്ടിവന്നേക്കാം. പുതിയ ജോലിയിൽ പ്രവേശിക്കാനുള്ള അവസരം ലഭിക്കാൻ സാധ്യതയുണ്ട്. ചെറിയ സാമ്പത്തിക നേട്ടങ്ങൾ ഉണ്ടാകാൻ സാധ്യതയുണ്ട്. നിയമപരമായ പ്രശ്നങ്ങൾ ഉണ്ടാകാൻ സാധ്യതയുണ്ട്. നിലവിലുള്ള കരാറുകളിലോ ഇടപാടുകളിലോ വീഴ്ച സംഭവിക്കാം. പണമിടപാടുകൾ നടത്തുമ്പോൾ വളരെയധികം ജാഗ്രത പാലിക്കേണ്ടതുണ്ട്. വഞ്ചനയോ നഷ്ടമോ ഉണ്ടാകാൻ സാധ്യതയുണ്ട്. ആരോഗ്യ പ്രശ്നങ്ങൾ ഉണ്ടായാൽ വളരെ ശ്രദ്ധിക്കുകയും ആവശ്യമെങ്കിൽ ഉടനെ വൈദ്യസഹായം തേടുകയും ചെയ്യുക. വാഹനം ഓടിക്കുമ്പോൾ ജാഗ്രത പാലിച്ചില്ലെങ്കിൽ അപകടം ഉണ്ടാവും.കുടുംബ ബന്ധു ജനങ്ങളുമായും സുഹൃത്തുക്കളുമായി കലഹത്തിന് ഇടവരും.
മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം)
ഈ വാരം ചില ആരോഗ്യപ്രശ്നങ്ങൾ നേരിടേണ്ടിവന്നേക്കാം. പ്രത്യേകിച്ചും ഉദരസംബന്ധമായ രോഗങ്ങൾ, വിഷബാധ തുടങ്ങിയവ ശ്രദ്ധിക്കേണ്ടതാണ്. ആരോഗ്യകരമായ ഭക്ഷണം കഴിക്കുകയും ധാരാളം വെള്ളം കുടിക്കുകയും ചെയ്യുക. മനഃശാന്തി കുറയുകയും ഉറക്കക്കുറവ് അനുഭവപ്പെടുകയും ചെയ്യാം. ഭാഗ്യഹാനിയും അലച്ചിലും അനുഭവപ്പെട്ടാലും നിരാശരാകരുത്. ധനകാര്യ ഇടപാടുകളിൽ ശ്രദ്ധാലുവായിരിക്കുകയും, അനാവശ്യ ചെലവുകൾ, അനാവശ്യ യാത്രകൾ ഒഴിവാക്കുകയും ചെയ്യുക. ചതിയും വഞ്ചനയും അനുഭവിക്കാൻ യോഗമുള്ളതിനാൽ വളരെ ജാഗ്രത പുലർത്തുക. കുടുംബത്തിൽ ഏറ്റവും വേണ്ടപ്പെട്ടവർക്ക് വിയോഗം ഉണ്ടാകുവാൻ ഇടയുണ്ട്. കുടുംബപരമായി അഭിപ്രായ വ്യത്യാസം രൂക്ഷമാവുകയും ബന്ധുജനങ്ങളുമായി കലഹത്തിനും സാധ്യത.
കർക്കിടകം രാശി (പുണർതം അവസാന കാൽഭാഗം, പൂയം, ആയില്യം)
ഗുണദോഷ സമ്മിശ്രമായ ആഴ്ചയാണ് വരുന്നത്. ബിസിനസുകളിൽ ഉണ്ടായിരുന്ന മന്ദത കുറയുന്ന സമയമാണ്. ശരീരസുഖം, കീർത്തി, തൊഴിൽ വിജയം, സർക്കാർ സംബന്ധമായ ജോലി ലഭിക്കുക എന്നിവ അനുഭവത്തിൽ വരും. എന്നിരുന്നാലും വാരാന്ത്യം അനാവശ്യമായ കൂട്ടുകെട്ടുകളും അന്യസ്ത്രീ ബന്ധം വഴി ധനനഷ്ടം, മാനഹാനി എന്നിവ സംഭവിക്കാൻ സാധ്യതയുണ്ട്. ഭക്ഷണകാര്യങ്ങളിൽ അതീവ ശ്രദ്ധ പുലർത്തിയില്ലെങ്കിൽ ഭക്ഷ്യവിഷബാധ ഏൽക്കാനുള്ള സാധ്യതയുണ്ട്. കുടുംബത്തിൽ ദമ്പതികൾ തമ്മിൽ അസ്വാരസ്യം ഉണ്ടാകാൻ സാധ്യതയുണ്ട്. എല്ലാ കാര്യങ്ങളിലും ഉത്കണ്ഠ കൂടുന്നത് മൂലം പല അബദ്ധങ്ങളിലും ചെന്നുപെടാൻ സാധ്യതയുണ്ട്. ശാന്തത പാലിക്കുകയും ധൃതിയിൽ തീരുമാനങ്ങൾ എടുക്കാതിരിക്കുകയും ചെയ്യുക.
ജയറാണി ഈ വി.
WhatsApp No : 9746812212
(പാരമ്പര്യ ജ്യോതിഷ കുടുംബത്തിലെ അംഗം . ഇരുപതിലേറെ വർഷമായി ജ്യോതിഷം സംഖ്യാശാസ്ത്രം വാസ്തു ആചാര അനുഷ്ഠാന വിഷയങ്ങൾ കൈകാര്യം ചെയ്യുന്നു)
