അമ്പമ്പോ..നെഞ്ചിടിപ്പേറുന്നു, ‘ഇവനൊരു അടങ്ങാത്ത സൂര്യൻ, പോയ്പെട്ടാൽ നീ ചാമ്പൽ’ ….മാർക്കോയുടെ പ്രമോഗാനം പുറത്തിറങ്ങി

പ്രേക്ഷകരെ ഞെട്ടിച്ചുകൊണ്ട് മാർക്കോയുടെ പ്രമോഗാനം പുറത്തിറങ്ങി. ഉണ്ണി മുകുന്ദനാണ് ഫെയ്സ്ബുക്കിലൂടെ ഗാനം പുറത്തുവിട്ടത്. ‘മാർപ്പാപ്പ’ എന്ന് പേരിട്ടിരിക്കുന്ന ഗാനമാണ് എത്തിയിരിക്കുന്നത്.

സയീദ് അബ്ബാസാണ് ​ഗാനം ഒരുക്കിയിരിക്കുന്നത്. വിനായക് ശശികുമാറിന്റേതാണ് വരികൾ. ബേബി ജീനാണ് ​ഗാനം ആലപിച്ചിരിക്കുന്നത്. പുറത്തിറങ്ങി മണിക്കൂറുകൾ പിന്നിടുമ്പോൾ സോഷ്യൽ മീഡിയയിൽ തരംഗമാവുകയാണ് ​ഗാനം. ഹെവി ബീറ്റുകളാണ് ​ഗാനത്തിലുള്ളത്. നെഞ്ചിടിപ്പ് കൂട്ടൂന്നത് പോലെ പ്രേക്ഷകരുടെ ആകാംക്ഷകളും പതിന്മടങ്ങ് കൂട്ടുകയാണ് പ്രമോ​ഗാനം.

സം​ഗീത സംവിധായകൻ സുഷിൻ ശ്യാമിന്റെ മ്യൂസിക് ടീമിലെ അം​ഗമായിരുന്നു സയീദ് അബ്ബാസ്. മമ്മൂട്ടി നായകനായെത്തുന്ന ബസൂക്കയുടെ ടീസർ മ്യൂസിക്ക് ഒരുക്കിയതും സയീദ് അബ്ബാസാണ്.

വിനായക് ശശികുമാറിന്റെ കരുത്തുറ്റ വരികളാണ് പ്രേക്ഷകർക്കിടയിൽ ശ്രദ്ധേയമാകുന്നത്. സോണി മ്യൂസിക്കാണ് ചിത്രത്തിന്‍റെ മ്യൂസിക് റൈറ്റ്സ് സ്വന്തമാക്കിയത്. ക്രിസ്തുമസ് റിലീസായി ഡിസംബർ 20-നാണ് മാർക്കോ തിയേറ്ററുകളിലെത്തുന്നത്.