ധനു രാശി (മൂലം, പൂരാടം, ഉത്രാടം ആദ്യ കാൽഭാഗം)
ഔദ്യോഗിക വിജയവും വ്യക്തിപരമായ സന്തോഷവും ലഭിക്കുന്ന വാരം ആണ്. ജോലിസ്ഥലത്ത് ധാരാളം നേട്ടങ്ങൾ ഉണ്ടാകും. മേലധികാരികളുടെ പ്രീതിയും അംഗീകാരവും ലഭിക്കും. ജോലിയിൽ പ്രമോഷൻ ലഭിക്കാനുള്ള സാധ്യതയും ഉണ്ട്. സമൂഹത്തിൽ നിങ്ങളുടെ പ്രശസ്തിയും സ്വാധീനവും വർദ്ധിക്കും. ധനനേട്ടം ഉണ്ടാകാനുള്ള സാധ്യതയുണ്ട്. അപവാദങ്ങൾ ഉണ്ടാകാനും മാനഹാനി സംഭവിക്കാനും സാധ്യതയുണ്ട്. സാമ്പത്തിക കാര്യങ്ങളിൽ ശ്രദ്ധിക്കുക. വിവാഹിതർക്ക് അന്യസ്ത്രീ ബന്ധം ആരോപിക്കപ്പെടാൻ സാധ്യതയുണ്ട്. മാത്രമല്ല, ഇത്തരം ആരോപണം ദാമ്പത്യ ജീവിതത്തിൽ വലിയ പ്രശ്നങ്ങൾ സൃഷ്ടിക്കാം. ദീർഘകാലമായിട്ടുള്ള രോഗങ്ങൾ മാറാനുള്ള സാധ്യതയുണ്ട്. ആരോഗ്യം വീണ്ടെടുക്കും.
മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം)
വിദേശത്ത് പോകാനുള്ള ആഗ്രഹം സഫലീകരിക്കും. ബന്ധുജനങ്ങളുമായി സമയം ചെലവഴിക്കാനും ആഘോഷങ്ങളിൽ പങ്കെടുക്കാനും സാധിക്കും. അവരോടൊപ്പം ഉല്ലാസ യാത്രയിൽ പോകാനും സാധ്യതയുണ്ട്. വിവാഹം നടക്കാത്ത യുവതി യുവാക്കൾക്ക് ഈ വാരം അനുകൂലമായ വിവാഹ ആലോചനകൾ വന്നുചേരും. എന്നാൽ വാര മധ്യത്തോടു കൂടി വരവിൽ കവിഞ്ഞ ചെലവ് ഉണ്ടാകാനുള്ള സാധ്യതയുണ്ട്. സാമ്പത്തിക കാര്യങ്ങളിൽ ശ്രദ്ധിക്കുക. സ്ത്രീകൾ മൂലം മാനഹാനി, ധനനഷ്ട്ടം എന്നിവ ഉണ്ടാകും. വാരം അവസാനത്തോട് കൂടി സർക്കാർ ഭാഗത്തു നിന്ന് അനുകൂലമായ ഫലങ്ങൾ ലഭിക്കും. വളരെ നാളായി ഉണ്ടായിരുന്ന രോഗാദിദുരിതങ്ങൾക്ക് ആശ്വാസം ലഭിക്കും. എന്നിരുന്നാലും ശിരോ രോഗമുള്ളവർ ജാഗ്രത പാലിക്കുക.
കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം)
ഈ വാരം നിങ്ങളുടെ ജീവിതത്തിൽ സന്തോഷവും സമൃദ്ധിയും നിറഞ്ഞതായിരിക്കും. ജീവിത പങ്കാളിയും സന്താനങ്ങളുമായും പരസ്പര ഐക്യവും സ്നേഹവും വർദ്ധിക്കും. കുടുംബാംഗങ്ങളുമായി അടുപ്പവും സ്നേഹവും നിറഞ്ഞ ബന്ധം നിലനിൽക്കും. സാമ്പത്തിക കാര്യങ്ങളിൽ പുരോഗതി ഉണ്ടാകും. മനസ്സിന് സന്തോഷവും സംതൃപ്തിയും ലഭിക്കും. കുടുംബാംഗങ്ങൾ ഒരുമിച്ച് സന്തോഷകരമായ അവസരങ്ങളിൽ പങ്കെടുക്കും. വിവാഹം, ജനനം തുടങ്ങിയ ശുഭകാര്യങ്ങൾ നടക്കാൻ സാധ്യതയുണ്ട്. സർവ്വ കാര്യങ്ങളിലും വിജയം ലഭിക്കും. പുതിയ ബിസിനസ്സ് കരാറുകളിൽ ഒപ്പുവെക്കും. തൊഴിൽ മേഖലയിൽ കാര്യമായ പുരോഗതിയും അംഗീകാരവും ലഭിക്കും. എന്നാൽ അമിതമായ ആഡംബര പ്രിയം വരവിനേക്കാൾ ചെലവുണ്ടാക്കും.
മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി)
വാരത്തിന്റെ തുടക്കം ജാഗ്രതയോടെ സമീപിക്കേണ്ടതാണ്. സാമ്പത്തിക കാര്യങ്ങളിൽ വളരെ ജാഗ്രത പാലിക്കാത്ത പക്ഷം വലിയ ചതി വരാൻ സാധ്യതയുണ്ട്. ശത്രുക്കളിൽ നിന്ന് അപകടം സംഭവിക്കാം. കേസു വഴക്കുകളിൽ പരാജയം നേരിടേണ്ടി വരും. ആരോഗ്യ കാര്യത്തിൽ ശ്രദ്ധിക്കണം. പ്രത്യേകിച്ച്, ആമാശയം, ഉദരം എന്നിവയുമായി ബന്ധപ്പെട്ട അസുഖങ്ങൾ വർദ്ധിക്കാൻ സാധ്യതയുണ്ട്. എന്നാൽ, വാരം പുരോഗമിക്കുമ്പോൾ കാര്യങ്ങൾ മെച്ചപ്പെടും. തൊഴിലിടങ്ങളിൽ അനുകൂലമായ സാഹചര്യങ്ങൾ ഉണ്ടാകും. കഠിനാധ്വാനത്തിലൂടെ കീർത്തിയും ധനനേട്ടവും കൈവരിക്കാൻ സാധിക്കും. തൊഴിൽ ലാഭത്തിനും പുതിയ അവസരങ്ങൾ ലഭിക്കാനും സാധ്യതയുണ്ട്. വാരം അവസാനം അന്യസ്ത്രീ ബന്ധം മൂലം മാനഹാനി, ധനഷ്ടം എന്നിവ ഉണ്ടാകുവാൻ ഇടയുണ്ട്.
ജയറാണി ഈ വി.
WhatsApp No : 9746812212
(പാരമ്പര്യ ജ്യോതിഷ കുടുംബത്തിലെ അംഗം . ഇരുപതിലേറെ വർഷമായി ജ്യോതിഷം സംഖ്യാശാസ്ത്രം വാസ്തു ആചാര അനുഷ്ഠാന വിഷയങ്ങൾ കൈകാര്യം ചെയ്യുന്നു)
