ഡെറാഡൂൺ: പഹാഡി നൃത്തത്തിന് ചുവടുവച്ച് മുൻ ഇന്ത്യൻ ക്യാപ്റ്റൻ എംഎസ് ധോണി. ധോണിയുടെയും ഭാര്യ സാക്ഷിയുടെയും പരമ്പരാഗത പഹാഡി ഗർവാലി നൃത്തമാണ് സോഷ്യൽ മീഡിയയിൽ വൈറലായത്. നൃത്തസംഘത്തോടൊപ്പം ആവേശം ഒട്ടും ചോരാതെ താളത്തിൽ ചുവടുവയ്ക്കുന്ന ധോണിയുടെ വീഡിയോ ആരാധകർ ഏറ്റെടുത്തിരിക്കുകയാണ്. ഉത്തരാഖണ്ഡിലെ ഋഷികേശിൽ കുടുംബത്തോടപ്പം ഒഴിവുസമയം ചിലവഴിക്കാനെത്തിയതാണ് ധോണി.
കുടുംബം താമസിച്ച ഹോട്ടലിന്റെ പശ്ചാത്തലത്തിലാണ് വീഡിയോ ചിത്രീകരിച്ചിരിക്കുന്നത്. ക്രിക്കറ്റ് ഗ്രൗണ്ടിൽ ശാന്തനായ ക്യാപ്റ്റൻ കൂളിനെ മാത്രം കണ്ടുപരിചയിച്ച ആരാധകരെ അത്ഭുതപ്പെടുത്തുന്നതായിരുന്നു ധോണിയുടെ നൃത്തം. പരമ്പരാഗത വേഷവിധാനത്തിൽ അണിനിരന്ന പ്രദേശവാസികൾക്കിടയിൽ അവരിൽ ഒരാളെപ്പോലെയാണ് താരം ചുവടുവച്ചത്. പ്രദേശ വാസികളിൽ ചിലർ ദൃശ്യങ്ങൾ ഫോണിൽ പകർത്തുന്നതും വീഡിയോയിൽ കാണാം.
എക്സിൽ സ്പോർട്സ് കമൻ്റേറ്റർ മുഫദ്ദൽ വോഹ്റ ഷെയർ ചെയ്ത ഈ വീഡിയോക്ക് നിമിഷനേരത്തിൽ ഒരുലക്ഷം കാഴ്ചക്കാരാണുണ്ടായത്. . ആരാധകരുടെ കമന്റുകളും വീഡിയോക്ക് താഴെ നിറഞ്ഞു. ക്രിക്കറ്റ് ലോകത്തിന് പുറത്തും വിനയവും ലാളിത്യവും പുലർത്തുന്ന ധോണി ശരിക്കുമൊരു പ്രചോദനമാണ്,” ഉപയോക്താക്കളിൽ ഒരാൾ പറഞ്ഞു. “എംഎസ് തന്റെ വിരമിക്കൽ ജീവിതം ആസ്വദിക്കുകയാണ്, വളരെ മനോഹരമായ നിമിഷം!”മറ്റൊരു ആരാധകൻ കുറിച്ചു. അടുത്തിടെ ഒരു സൗഹൃദ ടെന്നീസ് മത്സരത്തിൽ പങ്കെടുക്കുന്ന ധോണിയുടെ വീഡിയോയും വൈറലായിരുന്നു
MS Dhoni and Sakshi dancing on Garhwali song in Rishikesh. ❤️ pic.twitter.com/TNjrhSeV5V
— Mufaddal Vohra (@mufaddal_vohra) December 3, 2024
