ചെന്നൈ ; നടൻ മൻസൂർ അലി ഖാന്റെ മകൻ മയക്കുമരുന്ന് കേസിൽ അറസ്റ്റിൽ. അലിഖാൻ തുഗ്ലഖിനെയാണ് ചെന്നൈ തിരുമംഗലം പൊലീസ് അറസ്റ്റ് ചെയ്തത്. ഇന്നലെ രാവിലെ കസ്റ്റഡിയിലെടുത്ത തുഗ്ലക്കിനെ 12 മണിക്കൂർ ചോദ്യം ചെയ്തിരുന്നു . അതിനു ശേഷമാണ് അറസ്റ്റ് രേഖപ്പെടുത്തിയത്.
കഴിഞ്ഞ മാസം, ചെന്നൈയിലെ സെൽഫോൺ ആപ്പ് വഴി മയക്കുമരുന്ന് വിറ്റ അഞ്ച് കോളേജ് വിദ്യാർത്ഥികളെ അറസ്റ്റ് ചെയ്തിരുന്നു.മൂന്ന് ദിവസം മുമ്പ് ഈ കേസിൽ 10 വിദ്യാർത്ഥികളെ കൂടി അറസ്റ്റ് ചെയ്തു.തുടര്ന്ന് നടത്തിയ അന്വേഷത്തിലാണ് തുഗ്ലക്കിലേക്ക് പൊലീസ് എത്തിയത്. ആന്ധ്രാപ്രദേശിൽ നിന്ന് കഞ്ചാവും, മെത്താംഫെറ്റാമിൻ ഇനം മയക്കുമരുന്നും വാങ്ങി ചെന്നൈ കടങ്ങോലത്തൂരിലെ സ്വകാര്യ കോളേജിലെ വിദ്യാർത്ഥികൾക്ക് വിൽപന നടത്തിയിരുന്നതായും കണ്ടെത്തി.
തുടർന്ന് വിദ്യാർത്ഥികളുടെ മൊബൈൽ ഫോൺ പരിശോധിച്ച് കഞ്ചാവ് വാങ്ങിയത് ആരാണെന്ന് കണ്ടെത്തി. അലിഖാൻ തുഗ്ലക്കിന്റെ ഫോൺ നമ്പറും പരിശോധനയിൽ കണ്ടെത്തി. തുടർന്നായിരുന്നു അറസ്റ്റ് .ഇയാളെ കൂടാതെ സെയ്ദ് സാക്കി, മുഹമ്മദ് റിയാസ് അലി, ഫൈസല് അഹമ്മദ് എന്നിവരെയും അറസ്റ്റ് ചെയ്തു.
