ധനു രാശി (മൂലം, പൂരാടം, ഉത്രാടം ആദ്യ കാൽഭാഗം)
മനഃസന്തോഷം, സ്ത്രീകളുമായി അടുത്ത് ഇടപഴകുവാൻ അവസരം, രോഗശാന്തി, തൊഴിൽ വിജയം, ധനലാഭം, ശരീര ചൈതന്യം വർധിക്കുക, ഈശ്വര വിശ്വാസം വർദ്ധിക്കുക മുതലായ ഫലങ്ങൾ കൊണ്ട് മികച്ച ആഴ്ച ആയിരിക്കും.എന്നാൽ വാര മധ്യത്തിൽ സഞ്ചാരശീലം, അന്യദേശവാസം , വാതരോഗം, ഉദരരോഗം, എന്നിവക്കു സാധ്യത. എന്നാൽ ജനനം വെളുത്ത പക്ഷമായാൽ സാമ്പത്തിക ഉന്നതി, ചെയ്യുന്ന പ്രവർത്തനങ്ങൾ ലാഭകരമായി തീരുക, കീർത്തി എന്നിവക്കും സാധ്യത. എന്ത് കാര്യങ്ങൾക്കും മനസോടെ ഇറങ്ങി പുറപ്പെടുക,ധൈര്യം, ചിന്താശേഷി, സൽ സൗഹൃദങ്ങൾ ഉണ്ടാവുക, ധനനേട്ടം, വാഹനഭാഗ്യം, ശയനസുഖം ഒക്കെയും അനുഭവപ്പെടും.
മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം)
ഈ വാരം ഗുണദോഷസമ്മിശ്രമായിരിക്കും. കുടുംബത്തിൽ മംഗളകർമ്മങ്ങൾക്കു സാധ്യത, രോഗശാന്തി, കുടുംബ ബന്ധുജനങ്ങളിൽ നിന്നും ഗുണാനുഭവങ്ങൾ എന്നിങ്ങനെയുള്ള ഫലങ്ങൾക്ക് സാധ്യത. ഭൂമി ദ്രവ്യ നഷ്ടം, ലഹരിയിൽ ആസക്തി, കുടുംബ ബന്ധു ജനങ്ങൾ ആയി അഭിപ്രായ വ്യത്യാസം, സംശയ രോഗം, കാര്യതടസം, യാത്രാക്ലേശം എന്നിവ ഫലം. എടുത്തു ചാട്ടം ഒഴിവാക്കി യുക്തിപൂർവം ആലോചിച്ചു കാര്യങ്ങൾ ചെയുക. വാരം അവസാനം കുടുംബപരമായി അഭിപ്രായവ്യത്യാസം രൂക്ഷമാവുകയും ബന്ധുജനങ്ങളുമായി കലഹത്തിനും സാധ്യത. മനോരോഗം പിടിപെടുവാൻ സാധ്യതയുണ്ട്. തൊഴിൽപരാജയം, മാനസിക പിരിമുറുക്കം, ധനക്ലേശം എന്നിവ അനുഭവപ്പെടും .
കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം)
വളരെക്കാലമായി ഉണ്ടായിരുന്ന രോഗാവസ്ഥ മാറി ആരോഗ്യ വർദ്ധനവ് ഉണ്ടാകും. മനഃസുഖം, നിദ്രാസുഖം, ധനനേട്ടം, സത്സുഹൃത്തുക്കൾ എന്നിവ അനുഭവത്തിൽ വരും. അലങ്കാര വസ്തുക്കളുടെ വർദ്ധനവ്, വിവാഹാദി കർമ്മങ്ങൾ നടക്കുവാനോ നടത്തികൊടുക്കുവാനോ ചെയ്യേണ്ട സാഹചര്യം ഉണ്ടാവുക, ധനലാഭം എന്നിവ ഉണ്ടാകും.രാഷ്ട്രീയത്തിൽ പ്രവർത്തിക്കുന്നവർക്ക് പേരും പ്രശസ്തിയും ലഭിക്കുവാനുള്ള സാഹചര്യം ഉണ്ടാവും. കർമ മേഖലയിൽ അത്ഭുതപൂർവമായ വളർച്ച അനുഭവപ്പെടും. എന്നാൽ വാരം അവസാനം ശരീരശോഷണം, ആരോഗ്യക്കുറവ് , രോഗാദി ദുരിതങ്ങൾ അലട്ടുക, മനശാന്തിക്കുറവ്, എവിടെയും തടസ്സങ്ങൾ, അപമാനം, ഉദരരോഗം എന്നിവ അലട്ടും.
മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി)
ഈ വരുന്ന ആഴ്ച സമ്മിശ്ര ഫലങ്ങൾ നൽകുമെന്നു സൂചിപ്പിക്കുന്നു. ചില മേഖലകളിൽ പ്രതിബന്ധങ്ങൾ നേരിടേണ്ടി വന്നേക്കാം, എന്നാൽ മറ്റു ചില മേഖലകളിൽ മികച്ച നേട്ടങ്ങൾ കൈവരിക്കാനുള്ള അവസരങ്ങളും ഉണ്ടാകും. രാഷ്ട്രീയത്തിൽ പ്രവർത്തിക്കുന്നവർക്ക് ഈ ആഴ്ച ചില വെല്ലുവിളികൾ നേരിടേണ്ടി വന്നേക്കാം. സ്ത്രീ മൂലം മാനഹാനി, ധനനഷ്ടം എന്നിവ സംഭവിക്കാൻ സാധ്യതയുണ്ട്. പ്രത്യേകിച്ചും അവിഹിത ബന്ധങ്ങളിൽ ഏർപ്പെടുന്നവർക്ക് വൻ അപമാനവും നഷ്ടങ്ങളും നേരിടേണ്ടി വന്നേക്കാം. എന്നാൽ വാര മധ്യത്തോടെ കാര്യങ്ങൾക്ക് നല്ല മാറ്റം വരും. ആരോഗ്യം വീണ്ടെടുക്കാനും മനസ്സിന് സന്തോഷം ലഭിക്കാനും സാധ്യതയുണ്ട്. രോഗശാന്തി, സുഖഭക്ഷണം, മനസ്സമാധാനം എന്നിവ ലഭിക്കും.
ജയറാണി ഈ വി.
WhatsApp No : 9746812212
(പാരമ്പര്യ ജ്യോതിഷ കുടുംബത്തിലെ അംഗം . ഇരുപതിലേറെ വർഷമായി ജ്യോതിഷം സംഖ്യാശാസ്ത്രം വാസ്തു ആചാര അനുഷ്ഠാന വിഷയങ്ങൾ കൈകാര്യം ചെയ്യുന്നു)
