ഇന്ന് വൃശ്ചിക മാസത്തിലെ കാർത്തിക നക്ഷത്രവും പൗർണമിയും ഒന്നിച്ചുവരുന്ന ദിവസം , തൃക്കാർത്തിക നാൾ. അയ്യപ്പ സന്നിധിയിൽ ഇന്ന് കാർത്തിക ദീപങ്ങൾ തെളിയും. നാടും നഗരവും തൃക്കാർത്തിക ദീപത്താൽ പ്രകാശ പൂരിതമാകുമ്പോൾ സന്നിധാനത്തും ദീപപ്രപഞ്ചം സൃഷ്ടിക്കും.
സകല ദോഷങ്ങളുമകറ്റി നന്മയുടെ പ്രകാശം ചൊരിയണമെന്ന പ്രാർത്ഥനയുമായാകും കാർത്തിക ദീപം തെളിയുക. ഭഗവതിയുടെ ജന്മനക്ഷത്രമാണ് തൃക്കാർത്തിക ദിവസം. മഹാലക്ഷ്മിയെ വരവേൽക്കനാണ് കാർത്തികദീപങ്ങൾ തെളിക്കുന്നത്.
ആ ദിവസം നവരാത്രി പോലെ തന്നെ പ്രധാനമായതിനാൽ ദുർഗ, ഭദ്രകാളി, മഹാല്ക്ഷ്മി, ദേവി ക്ഷേത്രങ്ങളിൽ ഈ ദിവസം പ്രധാനമാണ്,. സുബ്രഹ്മണ്യൻ ശരവണ പൊയ്കയിൽ അവതരിച്ച ദിവസമായതിനാൽ സുബ്രഹ്മണ്യ ക്ഷേത്രങ്ങളിലും ഈ ദിവസം വിശേഷമാണ്.
