സർപ്രൈസ്! ഒളിമ്പ്യൻ നീരജ് ചോപ്ര വിവാഹിതനായി; വധുവാരെന്ന് അറിയാം

രണ്ടുതവണ ഒളിമ്പിക് മെഡൽ ജേതാവായ ജാവലിൻ ത്രോ താരം നീരജ് ചോപ്ര വിവാഹിതനായി. ഇന്ന് ഇൻസ്റ്റ​ഗ്രാം സ്റ്റോറിയിലൂടെയാണ് താരം സർപ്രൈസ് വിവാഹത്തെക്കുറിച്ച് വെളിപ്പെടുത്തിയത്. ജീവിതത്തിലെ പുതിയൊരു അദ്ധ്യായത്തിന് കുടുംബത്തിനാെപ്പം തുടക്കമിട്ടു. ഞങ്ങളെ ഈ നിമിഷത്തിലേക്ക് കൊണ്ടുവന്ന ഓരോ അനുഗ്രഹത്തിനും നന്ദിയുണ്ട്. പ്രണയത്തിൽ ബന്ധിക്കപ്പെട്ടിരിക്കുന്നു, എന്നെന്നും സന്തോഷത്തോടെ” എന്ന അടിക്കുറിപ്പോടെ നീരജ് ഇൻസ്റ്റാഗ്രാമിലും എക്സിലുമാണ് വിവാഹത്തിന്റെ നിരവധി ചിത്രങ്ങൾ പങ്കുവച്ചത്.

അത്‌ലറ്റിന്റെ അമ്മാവൻ പറയുന്നതനുസരിച്ച് നീരജിന്റെ ഭാര്യ ഹിമാനി ഇപ്പോൾ അമേരിക്കയിൽ പഠിക്കുകയാണ്. അടുത്ത സുഹൃത്തുക്കളുടെയും കുടുംബാംഗങ്ങളുടെയും സാന്നിധ്യത്തിൽ ഒരു സ്വകാര്യ ചടങ്ങിലാണ് ഇരുവരും വിവാഹിതരായത്. ഒരു സ്വീകരണ ചടങ്ങ് ഉടനെ നടത്തുമെന്നും നീരജിന്റെ അമ്മാവൻ സ്ഥിരീകരിച്ചു. വിവാഹത്തിന്റെ ഒരു വാർത്ത പോലും പുറത്തുവിടാതിരിക്കാൻ ഒളിമ്പ്യൻ ശ്രദ്ധിച്ചിരുന്നു.

जीवन के नए अध्याय की शुरुआत अपने परिवार के साथ की। 🙏

Grateful for every blessing that brought us to this moment together. Bound by love, happily ever after.

नीरज ♥️ हिमानी pic.twitter.com/OU9RM5w2o8

— Neeraj Chopra (@Neeraj_chopra1) January 19, 2025