ന്യഡൽഹി; എൻഎസ്എസ് ഡൽഹിയുടെ മന്നത്ത് പത്മനാഭൻ പുരസ്‌കാരം ജനം ടിവി മാനേജിംഗ് ഡയറക്ടർ ചെങ്കൽ എസ് രാജശേഖരൻ നായർക്ക്. ഡൽഹി ആർകെ പുരം കേരളാ സ്‌കൂളിൽ നടന്ന 148 മത് മന്നം ജയന്തി ആഘോഷ പരിപാടിയിൽ പുരസ്‌കാരം വിതരണം ചെയ്തു.
ഒരു സമുദായത്തിന്റെ മാത്രമല്ല മുഴുവൻ സമൂഹത്തിന്റെയും ഉന്നമനം ലക്ഷ്യം വെച്ചായിരുന്നു മന്നത്തിന്റെ പ്രവർത്തനങ്ങളെന്ന് പരിപാടി ഉദ്ഘാടനം ചെയ്ത ചെങ്കൽ എസ് രാജശേഖരൻ നായർ പറഞ്ഞു. എൻഎസ്എസ് ഡൽഹി പ്രസിഡന്റ് എം.കെ.ജി പിള്ള, ജനറൽ സെക്രട്ടറി എം.ഡി ജയപ്രകാശ്, എസ്.പി നായർ, എം.ജി. രാജശേഖരൻ നായർ തുടങ്ങിയവർ പങ്കെടുത്തു.
കായിക മത്സരങ്ങളിലെ വിജയികൾക്കുള്ള സമ്മാനദാനവും പരിപാടിയോട് അനുബന്ധിച്ച് നടന്നു. മഹിളാ സമാജവും യൂത്ത് വിങ് മെമ്പേഴ്സും കലാപരിപാടികൾ അവതരിപ്പിച്ചു.
