ഡൊമിനിക് ആൻഡ് ദി ലേഡീസ് പഴ്സിലെ മമ്മൂട്ടിയുടെ കാരക്ടർ പോസ്റ്റർ പുറത്തിറങ്ങി. ഗൗതം വാസുദേവ് മേനോൻ സംവിധാനം ചെയ്യുന്ന ചിത്രം നാളെയാണ് തിയേറ്ററുകളിലെത്തുന്നത്. കൂളിംഗ് ഗ്ലാസ് വച്ച് മാസ് ലുക്കിൽ നിൽക്കുന്ന മമ്മൂട്ടിയുടെ ചിത്രമാണ് പോസ്റ്ററിലുള്ളത്.
കലൂരിലെ ഷെർലോക് ഹോംസ്, സിഐ ഡൊമിനിക്, സ്മാർട്, സൂപ്പർ വർക്കർ, പുതിയ വർഷം, പുതിയ ഞാൻ എന്നാണ് പോസ്റ്ററിൽ കുറിച്ചിരിക്കുന്നത്. ചിത്രം തിയേറ്ററിലെത്താൻ ഒരു ദിവസം മാത്രം ബാക്കിനിൽക്കേ റിലീസ് ചെയ്ത പോസ്റ്റർ സോഷ്യൽമീഡിയയിൽ ശ്രദ്ധനേടുകയാണ്.
ചിത്രത്തിലെ മറ്റ് താരങ്ങളെ പരിചയപ്പെടുത്തിയുള്ള കാരക്ടർ പോസ്റ്ററുകൾ കഴിഞ്ഞ ദിവസങ്ങളിൽ പുറത്തുവന്നിരുന്നു. ചിത്രത്തിന്റെ അഡ്വാൻസ് ബുക്കിംഗ് ആരംഭിച്ചിട്ടുണ്ട്. ഇതിനിടെ ഡൊമിനിക് ആൻഡ് ലേഡീസ് പഴ്സിലെ ആദ്യ ലിറിക്കൽ ഗാനം പുറത്തുവന്നു.
ഗൗതം വാസുദേവ് മേനോന്റെ മലയാള സംവിധാന അരങ്ങേറ്റ ചിത്രം കൂടിയാണിത്. ചിത്രത്തിന്റേതായി നേരത്തെ പുറത്തുവന്ന പോസ്റ്ററുകളിലും ടീസറും ട്രെയിലറും ഏറെ ശ്രദ്ധനേടിയിരുന്നു. മമ്മൂട്ടി കമ്പനിയാണ് ചിത്രത്തിന്റെ നിര്മാണം.
