മമ്മൂട്ടിയും ഗോകുൽ സുരേഷും പ്രധാന വേഷത്തിലെത്തിയ ചിത്രം ഡൊമിനിക് ആൻഡ് ദി ലേഡീസ് പഴ്സിന് മികച്ച പ്രേക്ഷക പ്രതികരണം. ഗൗതം മേനോന്റെ ആദ്യമലയാള സിനിമയ്‌ക്ക് ഗംഭീര സ്വീകാര്യതയാണ് പ്രേക്ഷകരുടെ ഭാഗത്ത് നിന്ന് ലഭിക്കുന്നത്. കോമഡിയും സസ്പെൻസും ചേർന്ന സിനിമയാണ് ഡൊമിനിക് ആൻഡ് ദി ലേഡീസ് പഴ്സ് എന്നാണ് പ്രേക്ഷകർ പറയുന്നത്.
“സിനിമയുടെ ക്ലൈമാക്സിൽ വമ്പൻ ട്വിസ്റ്റാണ് ഗൗതം മേനോൻ ഒളിപ്പിച്ചിരിക്കുന്നത്. ചിരിക്കാനും ചിന്തിക്കാനും ഒരുപാടുണ്ട്. ആദ്യ ഭാഗം ഫുൾ കോമഡിയായാണ് പോകുന്നത്. രണ്ടാം ഭാഗം മുഴുവൻ ത്രില്ലടിപ്പിക്കും. ഷെർലക് ഹോംസിന്റെ മോ‍ഡലിലാണ് ചിത്രമുള്ളത്. ഒരിക്കലും ചിന്തിക്കാനാവാത്ത രീതിയിലാണ് ക്ലൈമാക്സ് ഒരുക്കിയിരിക്കുന്നത്. ഇൻവെസ്റ്റിഗേഷൻ കോമഡിയായി കഥ മുന്നോട്ടുപോകുന്നു. ഒട്ടും ബോറടിപ്പിക്കുന്നില്ല. മമ്മൂട്ടിയും ഗോകുൽ സുരേഷ് കട്ടയ്‌ക്ക് കട്ടയ്‌ക്ക് നിൽക്കുന്നുണ്ട്. ഹിറ്റാകുമെന്ന് ഉറപ്പാണ്”.
“തമാശയും സീരിയസും ചേർന്ന സിനിമയാണ്. മമ്മൂട്ടിയുടെ കഥാപാത്രം മനോഹരമായി അവതരിപ്പിച്ചിട്ടുണ്ട്. കേസന്വേഷണം ആണെങ്കിലും കോമഡി രൂപത്തിലാണ് കഥ പോകുന്നത്. വലിയ ആർഭാടങ്ങൾ ഒന്നുമില്ലാത്ത സാധാരണ വേഷത്തിലാണ് മമ്മൂട്ടി എത്തുന്നത്. ഗംഭീര ത്രില്ലിംഗ് സിനിമയാണ്. വളരെ ശാന്തമായി പോയി, ഒട്ടും പ്രതീക്ഷിക്കാത്തൊരു ക്ലൈമാക്സിലാണ് ചിത്രം വന്നുനിൽക്കുന്നത്. ഗൗതം മേനോന്റെ ആദ്യ മലയാള സിനിമ എന്തായാലും നന്നായിട്ടുണ്ടെന്നും” പ്രേക്ഷകർ പറയുന്നു.
