കൊച്ചി: സ്വർണവില വീണ്ടും കുതിക്കുന്നു. റെക്കോർഡുകൾ ഭേദിച്ച് ഇന്ന് പവന് 60,880 രൂപയിലെത്തി. ഗ്രാമിന് 15 രൂപ വർദ്ധിച്ച് 7,610 രൂപയിലെത്തി. പവന് 120 രൂപയാണ് വർദ്ധിച്ചത്.
ഇന്നലെ 680 രൂപയണ് പവന് വർദ്ധിച്ചത്. ചരിത്രത്തിലെ ഏറ്റവും ഉയർന്ന വിലയിലാണ് ഇന്ന് സ്വർണവ്യാപാരം നടക്കുന്നത്. 22 കാരറ്റിന് ഗ്രാമിന് 7,610 രൂപയും 24 കാരറ്റിന് 8,302 രൂപയും ഒരു ഗ്രാം 18 കാരറ്റ് സ്വർണത്തിന് 6,277 രൂപയുമാണ് ഇന്നത്തെ നിരക്ക്.
ആഗോള വിപണിയിൽ സ്വർണവില വർദ്ധിച്ചതാണ് കേരളത്തിലെ കുതിപ്പിന് പിന്നിലും. ഓഹരി വിപണിയിലെ ഇടിവ് കൂടുതൽ പേർ സ്വർണത്തിൽ നിക്ഷേപിക്കാൻ തയ്യാറാകുന്നുണ്ട്. അതിനാൽ തന്നെ സ്വർണവില ഇനിയുമേറാനാണ് സാധ്യത.
