ചെന്നൈ: വ്യോമഗതാഗതം ആശ്രയിക്കുന്ന യാത്രക്കാർക്ക് എയർപോർട്ടിൽ വലിയ ആശ്വാസമാകുന്ന ഉഡാൻ യാത്രി കഫേ ചെന്നൈയിലും. കീശകീറുന്ന എയർപോർട്ട് കഫേകൾക്ക് ബദലായി സാധാരണക്കാരന് താങ്ങുന്ന വിലയിൽ ആഹാരസാധനങ്ങളും ലഘുഭക്ഷണങ്ങളും വിതരണം ചെയ്യുന്ന ഉഡാൻ യാത്രി കഫേ ചെന്നൈ എയർപോർട്ടിലും ആരംഭിച്ചിരിക്കുകയാണ്.
വെള്ളം കുപ്പി 10 രൂപ
ചായ 10 രൂപ
കോഫീ 20 രൂപ
സമൂസ 20 രൂപ
മധുരപലഹാരം 20 രൂപ തുടങ്ങിയ നിരക്കിൽ ഇവിടെ ലഘുഭക്ഷണങ്ങൾ ലഭ്യമാണ്.
എയർപോർട്ട് ഹോട്ടലുകളിൽ പൊതുവെ തീപിടിച്ച വിലയായതിനാൽ പല യാത്രക്കാർക്കും ആഹാരം കഴിക്കാൻ സാധിക്കാറില്ല. ഒരു ചായക്കും വടയ്‌ക്കും മാത്രം 500 രൂപ നൽകേണ്ടി വരുന്ന സാഹചര്യങ്ങൾ എയർപോർട്ട് റെസ്റ്റോറന്റുകളിൽ ഉണ്ടാകാറുണ്ട്. അത്രയും കാശ് മുടക്കാൻ സാധിക്കാത്തതിനാൽ, വിശപ്പടക്കാൻ വഴിതേടുന്നവർക്ക് വലിയൊരു ആശ്വാസമാണ് കേന്ദ്ര വ്യോയമാന മന്ത്രാലയം ആരംഭിച്ച ഉഡാൻ യാത്രി കഫേ. 2024 ഡിസംബർ 19നാണ് ഇതാരംഭിച്ചത്.
