ഇടുക്കി: ഡ്രൈഡേയില് അനധികൃത മദ്യ വില്പന നടത്തിയ സിപിഎം ബ്രാഞ്ച് സെക്രട്ടറിമാര് എക്സൈസിന്റെ പിടിയിലായി. ഇടുക്കി ഓടക്കസിറ്റി ബ്രാഞ്ച് സെക്രട്ടറി പ്രവീണ് കുര്യാക്കോസ്, രാജകുമാരി ബി ഡിവിഷന് ബ്രാഞ്ച് സെക്രട്ടറി വിജയന് എന്നിവരാണ് പിടിയിലായത്.
ശനിയാഴ്ച ഉച്ചയ്ക്ക് ശേഷമാണ് രാജകുമാരിക്ക് സമീപം ബി ഡിവിഷനിലെ കടയില് വില്പനക്ക് സൂക്ഷിച്ച മദ്യം സഹിതം ഉടുമ്പന്ചോല എക്സൈസ് സംഘം വിജയനെ പിടികൂടിയത്.
അടിമാലി എക്സൈസ് റേഞ്ച് ഇന്സ്പെക്ടര് കെ.വി. രാജേഷ് കുമാറും സംഘവുമാണ് പ്രവീണിനെ ഓടക്കാസിറ്റിയില് നിന്ന് പിടികൂടിയത്.വില്പനക്കെത്തിച്ച ഒമ്പത് ലിറ്റര് മദ്യവും ഇയാളില് നിന്ന് പിടികൂടി. മദ്യം കടത്താൻ ഉപയോഗിച്ച് ഓട്ടോറിക്ഷയും കസ്റ്റഡിയിൽ എടുത്തു. ഓട്ടോ ഡ്രൈവറുമാണ് പിടിയിലായ പ്രവീൺ. ഇയാൾക്കെതിരെ പാർട്ടി നടപടി സ്വീകരിച്ചു എന്നും പ്രവീൺ കുര്യാക്കോസിനെ പാർട്ടിയുടെ പ്രാഥമിക അംഗത്വത്തിൽ നിന്ന് പുറത്താക്കി എന്നും സിപിഎം പ്രസ്താവന ഇറക്കിയിട്ടുണ്ട്.
