ഇടുക്കി: മുറുക്കാനൊപ്പം ലൈംഗീക ഉത്തേജന ഗുളികകൾ ചേർത്ത് വിറ്റ ഇതര സംസ്ഥാനക്കാരൻ അറസ്റ്റിൽ. ഇടുക്കി കരിമണ്ണൂരിൽ മുറുക്കാൻ കട നടത്തുന്ന ബീഹാർ പറ്റ്ന സ്വദേശി മുഹമ്മദ് താഹിറാണ് പിടിയിലായത്. കടയിൽ നടത്തിയ പരിശോധനയിൽ നിരോധിത പുകയില ഉൽപ്പന്നങ്ങളും പിടിച്ചെടുത്തിട്ടുണ്ട്.
മുറുക്കാനൊപ്പം ലൈംഗീക ഉത്തേജന ഗുളികകൾ പൊടിച്ച് ചേർത്താണ് ഇയാൾ നൽകിയിരുന്നത്. ഒരിക്കൽ വാങ്ങിയവർ ഇതോടെ വീണ്ടും മുറുക്കാൻ തേടിയെത്തും. എന്നാൽ ലൈംഗീക ഉത്തേജന ഗുളികകൾ ചേർത്ത കാര്യം അറിയാതെയാണ് മുറുക്കാൻ വാങ്ങിയിരുന്നതെന്ന് പൊലീസ് പറഞ്ഞു.
ജില്ലാ പൊലീസ് മേധാവി ടി.കെ.വിഷ്ണു പ്രദീന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ കരിമണ്ണൂർ എസ്.എച്ച്.ഒ വി.സി.വിഷ്ണുകുമാറിന്റെ നേതൃത്വത്തിലാണ് പരിശോധന നടത്തിയത്.
