കൊല്ലം: നടൻ വിനായകൻ പൊലീസ് കസ്റ്റഡിയിൽ. കൊല്ലത്തെ പഞ്ചനക്ഷത്ര ഹോട്ടലിൽ മദ്യപിച്ച് ബഹളമുണ്ടാക്കിയതിനെ തുടർന്നാണ് വിനായകനെ പോലീസ് കസ്റ്റഡിയിലെടുത്തത്. വിദേശ വനിതയോട് വിനായകൻ മോശമായി പെരുമാറിയെന്നും റിപ്പോർട്ടുണ്ട്.
അഞ്ചാലുംമൂട് പൊലീസ് എത്തിയാണ് നടനെ പിടികൂടിയത്. പൊലീസ് സ്റ്റേഷനിലും വിനായകൻ ബഹളം തുടർന്നു. മെഡിക്കൽ പരിശോധനയ്ക്ക് ആശുപത്രിയിൽ എത്തിച്ചപ്പോഴും വിനായകൻ പൊലീസിനോട് തട്ടിക്കയറി. തന്നെ എന്തിനാണ് സ്റ്റേഷനിൽ പിടിച്ചുവെച്ചിരിക്കുന്നതെന്നാണ് വിനായകൻ ചോദിക്കുന്നത്. വിവരം അറിഞ്ഞെത്തിയ മാദ്ധ്യമ പ്രവർത്തകരോട് വിനായകന്റെ മാനേജരും സംഘവും തട്ടിക്കയറുകയും ചെയ്തു.
