വളാഞ്ചേരിയിൽ നിപ; മു​ഖ്യ​മ​ന്ത്രി​യു​ടെ മ​ല​പ്പു​റ​ത്തെ പ​രി​പാ​ടി മാ​റ്റി

മലപ്പുറം:  നി​പ സ്ഥി​രീ​ക​രി​ച്ച​തി​നെ തു​ട​ർ​ന്ന് മു​ഖ്യ​മ​ന്ത്രി​യു​ടെ മ​ല​പ്പു​റ​ത്തെ പ​രി​പാ​ടി മാ​റ്റി. സം​സ്ഥാ​ന സ​ർ​ക്കാ​ർ വാ​ർ​ഷി​കഘോഷത്തിന്റെ ജില്ലാതല പ​രി​പാ​ടി​യാ​ണ് മാ​റ്റി​വ​ച്ച​ത്. തി​ങ്ക​ളാ​ഴ്ച മ​ല​പ്പു​റം റോ​സ് ലോ​ഞ്ച് ഓ​ഡി​റ്റോ​റി​യ​ത്തി​ലായിരുന്നു പരിപാടി നിശ്ചയിച്ചത്. ഒരു വർഷത്തിനിടെ ഇത് മൂന്നാം തവണയാണ് മലപ്പുറം ജില്ലയിൽ നിപ റിപ്പോർട്ട് ചെയ്യുന്നത്.

വ്യാ​ഴാ​ഴ്ച​യാ​ണ് വ​ളാ​ഞ്ചേ​രി സ്വ​ദേ​ശി​യാ​യ നാ​ല്‍​പ​ത്തി​ര​ണ്ടു​കാ​രി​ക്ക് നിപ ബാധ സ്ഥി​രീ​ക​രി​ച്ച​ത്. പെ​രു​ന്ത​ല്‍​മ​ണ്ണ​യി​ലെ സ്വകാര്യ ആ​ശു​പ​ത്രി​യി​ല്‍ ചി​കി​ത്സ​യി​ലാ​ണ്.

കടുത്ത പനി, ചുമ, ശ്വാസതടസം തുടങ്ങിയ രോഗ ലക്ഷണങ്ങളോടെയാണ് യുവതിയെ ആശുപത്രിയിൽ പ്രവേശിപ്പിച്ചത്. കോഴിക്കോട്ടെ മൈക്രോബയോളജി ലാബിൽ നടത്തിയ സ്രവ പരിശോധനയിലും നിപ പോസ്റ്റിറ്റാവായിരുന്നു. തുടർന്ന് പൂ​നെ​യി​ലെ ലാ​ബി​ൽ നടത്തിയ പ​രി​ശോ​ധ​ന​യി​ല്‍ രോ​ഗം സ്ഥി​രീ​ക​രി​ക്കു​ക​യാ​യി​രു​ന്നു.

എവിടെ നിന്നാണ് രോഗം ലഭിച്ചതെന്ന് വ്യക്തമല്ല. ഇവരുടെ വീട്ടിൽ രണ്ട് പേർക്ക് പനിയുണ്ടായിരുന്നുവെന്നാണ് വിവരം. നി​പ​യു​ടെ ഉ​റ​വി​ടം ക​ണ്ടെ​ത്താ​ൻ ശ്ര​മം ആരോ​ഗ്യവകുപ്പ് തു​ട​ങ്ങി​യി​ട്ടു​ണ്ട്. ഇ​വ​രു​ടെ റൂ​ട്ട് മാ​പ്പു​ക​ൾ പു​റ​ത്തി​റ​ക്കും.