നടൻ കൃഷ്ണകുമാറിന്റെ മകളും സോഷ്യൽമീഡിയ ഇൻഫ്ലുവൻസറുമായ ദിയ കൃഷ്ണയ്ക്ക് കുഞ്ഞ് ജനിച്ചു. ഇൻസ്റ്റഗ്രാം പോസ്റ്റിലൂടെയാണ് ആൺകുഞ്ഞ് ജനിച്ച വിവരം ദിയയും ഭർത്താവ് അശ്വിൻ ഗണേഷും പങ്കുവച്ചത്. സോക്സിൽ പൊതിഞ്ഞ കുഞ്ഞുകാലുകളും ദിയ ഇൻസ്റ്റഗ്രാമിൽ പങ്കുവച്ചിട്ടുണ്ട്.
അവസാനം ഞങ്ങളുടെ കൺമണിയെത്തി- എന്നാണ് ചിത്രത്തോടൊപ്പം ദിയ കുറിച്ചത്. കുടുംബത്തിലൊരു അതിഥി എത്തിയതിനെ കുറിച്ചുള്ള സന്തോഷം പങ്കുവച്ച് കൃഷ്ണകുമാറും പോസ്റ്റ് പങ്കിട്ടിരുന്നു.
“നമസ്കാരം സഹോദരങ്ങളെ… വീട്ടിലൊരു പുതിയ അതിഥി എത്തിയിരിക്കുന്നു. മകൾ ദിയയ്ക്ക് ഒരാൺകുഞ്ഞ് പിറന്നു. അമ്മയും കുഞ്ഞും സുഖമായിരിക്കുന്നു. എല്ലാവരുടെയും പ്രാർത്ഥനകൾക്കും അനുഗ്രഹങ്ങൾക്കും ഹൃദയംഗമമായ നന്ദി”- എന്നാണ് കൃഷ്ണകുമാർ കുറിച്ചത്.
ആശുപത്രിയിൽ അഡ്മിറ്റാകുന്ന വീഡിയോ ദിയ നേരത്തെ പോസ്റ്റ് ചെയ്തിരുന്നു.
