എം.സി.സിയുടെ മ്യൂസിയത്തിൽ സച്ചിൻ ടെൻഡുൽക്കറുടെ പുതിയ ഛായചിത്രം അനാവരണം ചെയ്തു. മാസ്റ്റർ ബ്ലാസ്റ്റർ തന്നെയാണ് ചടങ്ങ് നിർവഹിച്ചത്. ലോർഡ്സിലെ ഇന്ത്യ-ഇംഗ്ലണ്ട് മത്സരം തുടങ്ങുന്നതിന് മുൻപായിരുന്നു ഇത്. ഛായചിത്രം ഒരുക്കിയ കലാകാരൻ സ്റ്റുവർട്ട് പിയേഴ്സൺ റൈറ്റിന്റെ സാന്നിദ്ധ്യത്തിലായിരുന്നു അനാവരണം. ഈ വർഷം അവസനം ചിത്രം മ്യൂസിയത്തിൽ നിന്ന് പവലിയനിലേക്ക് മാറ്റുമെന്നും എം.സി.സി(മെരിബോൺ ക്രിക്കറ്റ് ക്ലബ്) അറിയിച്ചു.
രണ്ടുപതിറ്റാണ്ടോളം സമയമെടുത്താണ് ഛായാചിത്രം പിയേഴ്സൺ പൂർത്തിയാക്കിയത്. 18 വർഷം മുൻപ് മുംബൈയിലെ വീട്ടിൽ നിന്ന് എടുത്ത ചിത്രത്തിൽ നിന്നാണ് ഛായചിത്രം രൂപപ്പെടുത്തിയത്. എംസിസിയുടെ കളക്ഷനിലുള്ള സച്ചിന്റെ അഞ്ചാമത്തെ ചിത്രമാണിത്. അതിൽ നാലും വരച്ചിരിക്കുന്നത് പിയേഴ്സൺ തന്നെയാണ്.
ഇതൊരു വലിയ ബഹുമതിയാണെന്ന് സച്ചിൻ ടെൻഡുൽക്കർ പറഞ്ഞു. 1983-ൽ ഇന്ത്യ ലോകകപ്പ് നേടിയപ്പോഴാണ് ലോർഡ്സിനെക്കുറിച്ച് അറിയുന്നത്. കപിൽ ദേവ് കിരീടമുയർത്തുന്നത് കണ്ടു. അവിടെ മുതൽ എന്റെ ക്രിക്കറ്റ് യാത്ര തുടങ്ങുകയായിരുന്നു. ഇന്ന്, എന്റെ ഛായാചിത്രം ലോർഡ്സിന്റെ പവലിയനിലേക്ക് പോകും.— സച്ചിൻ പറഞ്ഞു.
A very special morning unveiling the new Sachin Tendulkar portrait in the Lord’s museum. 🖼️🇮🇳 pic.twitter.com/OW3jLsqaFq
— Lord’s Cricket Ground (@HomeOfCricket) July 10, 2025
