തിരുവനന്തപുരം: സംസ്ഥാനത്ത് അടുത്ത അഞ്ച് ദിവസം തീവ്ര മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. ഇന്നും നാളെയും എല്ലാം ജില്ലകളിലും മഴ മുന്നറിയിപ്പുണ്ട്. പത്തനംതിട്ട, ആലപ്പുഴ, ഇടുക്കി, കോട്ടയം, എറണാകുളം, തൃശൂർ തുടങ്ങി ആറ് ജില്ലകളിൽ ഓറഞ്ച് അലർട്ടാണ്. തെക്കൻ കേരളത്തിലും മധ്യ കേരളത്തിലും മഴ കനത്തേക്കും.
കേരള- ലക്ഷദ്വീപ് തീരത്ത് ഏഴാം തീയതി വരെ മത്സ്യബന്ധനത്തിന് വിലക്കുണ്ട്. 60 കിമി വരെ വേഗതയിൽ കാറ്റ് വീശിയേക്കും. തീരുവനന്തപുരം മുതൽ ആലപ്പുഴ വരെയുള്ള തീരത്ത് കടലാക്രമണത്തിന് സാധ്യയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചു.
