നടൻ വിശാലിന്റെയും സായ് ധൻഷികയുടെയും വിവാഹനിശ്ചയം നടന്നു. കുടുംബാംഗങ്ങളും സുഹ‍ൃത്തുക്കളുമാണ് ചടങ്ങിൽ പങ്കെടുത്തത്. ചടങ്ങിന്റെ ദൃശ്യങ്ങൾ ഇരുവരും സോഷ്യൽമീഡിയയിൽ പങ്കുവച്ചു. പുതിയ അദ്ധ്യായം ആരംഭിക്കാൻ പോകുന്നുവെന്ന അടിക്കുറിപ്പോടെയാണ് വിശാൽ ചിത്രങ്ങൾ പങ്കുവച്ചത്.
വിശാലിന്റെ 47-ാം ജന്മദിനത്തിലാണ് പുതിയ വിശേഷം ഇരുവരും പങ്കുവക്കുന്നത്. എല്ലാവരുടെയും പ്രാർത്ഥനയും ആശിർവാദവും തങ്ങളോടൊപ്പം വേണമെന്നും വിശാൽ കുറിച്ചു. പരമ്പരാഗത വസ്ത്രങ്ങൾ ധരിച്ചാണ് ഇരുവരും ചടങ്ങിനെത്തിയത്.
Thank u all u darlings from every nook and corner of this universe for wishing and blessing me on my special birthday. Happy to share the good news of my #engagement that happend today with @SaiDhanshika amidst our families.feeling positive and blessed. Seeking your blessings and… pic.twitter.com/N417OT11Um
— Vishal (@VishalKOfficial) August 29, 2025
അടുത്തിടെയാണ് വിശാലും സായ് ധൻഷികയും പ്രണയത്തിലാണെന്ന വാർത്ത പുറത്തുവന്നത്. സിനിമയുടെ ഓഡ‍ിയോ ലോ‍ഞ്ചിനിടെ വിശാൽ തന്നെയാണ് ഇക്കാര്യം വെളിപ്പെടുത്തിയത്. ആരാധകരെ ഒന്നടങ്കം ഞെട്ടിച്ചുകൊണ്ടാണ് വിശാൽ തന്റെ പ്രണയത്തെ കുറിച്ച് മനസുതുറന്നത്. കല്യാണ വിശേഷങ്ങൾ വൈകാതെ അറിയിക്കുമെന്നും ഇരുവരും പറഞ്ഞിരുന്നു.
