തിരുവനന്തപുരം : പ്രധാനമന്ത്രി ഗ്രാമ സഡക് യോജന പദ്ധതികൾക്കായി കേരളത്തിന് 120 കോടി രൂപ അനുവദിച്ച് കേന്ദ്ര ഗ്രാമവികസന മന്ത്രാലയം. കേന്ദ്രമന്ത്രി സുരേഷ് ഗോപിയുടെ ഇടപെടലിനെ തുടർന്നാണ് നടപടി.
കേരളത്തിലെ വിവിധ പ്രധാനമന്ത്രി ഗ്രാമ സഡക് യോജന (PMGSY) പദ്ധതികൾക്കായി അനുവദിക്കേണ്ട ഫണ്ടുകളുടെ സമഗ്രമായ ഒരു പട്ടിക സമീപകാല യോഗത്തിൽ സമാഹരിക്കുകയും, 2025-26 സാമ്പത്തിക വർഷത്തിൽ കേരളത്തിനായി നീക്കിവച്ചിരിക്കുന്ന ഫണ്ടിന്റെ ആദ്യ ഗഡു അനുവദിക്കണമെന്ന് കേന്ദ്രമന്ത്രി സുരേഷ് ഗോപി, ശിവരാജ് സിംഗ് ചൗഹാനോട് അഭ്യര്ത്ഥിക്കുകയും ചെയ്തിരുന്നു. തുടർന്നാണ് ഗ്രാമവികസന മന്ത്രാലയത്തിൽ നിന്ന് ഇതിന് അനുകൂലമായ ഒരു തീരുമാനം ഉണ്ടായത്. പിന്നീട് അതിലേക്കായി 120 കോടി രൂപ അനുവദിക്കുകയുമാണ് ഉണ്ടായത്.
ഇത് പ്രാവര്ത്തികമാകാന് സഹായിച്ച പ്രധാന മന്ത്രി നരേന്ദ്ര മോദിക്കും കേന്ദ്ര ഗ്രാമ വികസന മന്ത്രി ശിവരാജ് സിംഗ് ചൗഹാനോടും സുരേഷ് ഗോപി പ്രത്യേകം നന്ദി രേഖപ്പെടുത്തി.
