തൃശൂര്: പ്രതിയെ പിടിക്കാനെത്തിയ രണ്ട് പൊലീസുകാര്ക്ക് കുത്തേറ്റു. എസ്.ഐ. അരുൺ സോമൻ, സിപിഒ ശരത് എന്നിവർക്കാണ് കുത്തേറ്റത്. കൈക്ക് കുത്തേറ്റ ശരത്തിനെ കുന്നംകുളത്തെ സ്വകാര്യ ആശുപത്രിയിൽ പ്രവേശിപ്പിച്ചു. സഹോദരനെ ആക്രമിക്കാൻ ശ്രമിച്ച പ്രതിയെ പിടികൂടാനെത്തിയപ്പോഴാണ് പോലീസിന് നേരെ ആക്രമണം ഉണ്ടായത്.
തുടർന്ന് സംഭവസ്ഥലത്തെത്തിയ മറ്റ് ഉദ്യോഗസ്ഥരെയും പ്രതി നിസാർ ആക്രമിച്ചു .ചാവക്കാട് മണത്തല ബേബി റോഡിൽ ഇന്ന് പുലര്ച്ചെയായിരുന്നു സംഭവം. സംഭവമറിഞ്ഞ് ഇയാളെ കീഴടക്കാനെത്തിയ മറ്റ് മൂന്ന് പൊലീസ് ഉദ്യോഗസ്ഥരെയും നിസാർ ഉപദ്രവിക്കുകയായിരുന്നു. പരിക്കേറ്റ ഉദ്യോഗസ്ഥരെ തൃശൂര് ചാവക്കാട് ആശുപത്രിയില് പ്രവേശിപ്പിച്ചിരിക്കുകയാണ്. പരിക്കേറ്റ എസ്ഐയുടെ കൈയ്ക്ക് ശസ്ത്രക്രിയ നടത്തി. മാനസികാസ്വാസ്ഥ്യമുള്ള ആളാണ് നിസാർ എന്ന് പോലീസ് പറഞ്ഞു.
