ചെന്നൈ: ബഹുജൻ സമാജ് പാർട്ടിയുടെ സംസ്ഥാന പ്രസിഡന്റായിരുന്ന ആംസ്ട്രോങ്ങിനെ കഴിഞ്ഞ വർഷം ജൂലൈ 5 ന് വീടിനടുത്ത് വെച്ച് വെട്ടിക്കൊലപ്പെടുത്തിയ കേസിലെ മുഖ്യപ്രതി റൗഡി നാഗേന്ദ്രൻ (വ്യാസർപാടി നാഗേന്ദ്രൻ) മരിച്ചു. കരൾ രോഗത്തെ തുടർന്ന് ആരോഗ്യനില വഷളായതിനെ തുടര്ന്ന് ചെന്നൈ സ്റ്റാൻലി സർക്കാർ ആശുപത്രിയിൽ ആശുപത്രിയില് ചികിത്സയിലായിരുന്നു.
ആംസ്ട്രോങ് വധത്തോടനുബന്ധിച്ച് സെമ്പിയം പോലീസ് രജിസ്റ്റർ ചെയ്ത കേസിൽ എ1 പ്രതികളായ നാഗേന്ദ്രൻ, പൊന്നൈ ബാലു എന്നിവരുൾപ്പെടെ 27 പേരെ അറസ്റ്റ് ചെയ്തു. 2 പേർ വിദേശത്ത് ഒളിവിൽ പോയതിനാൽ പോലീസ് ഇവർക്കായി തിരച്ചിൽ നടത്തുകയാണ്. കേസ് അന്വേഷിച്ച സെമ്പിയം പോലീസ് ചെന്നൈ ജില്ലാ പ്രിൻസിപ്പൽ സെഷൻസ് കോടതിയിൽ കുറ്റപത്രം സമർപ്പിച്ചു.
പിന്നീട്, ആംസ്ട്രോങ് വധക്കേസ് സിബിഐക്ക് കൈമാറാൻ ചെന്നൈ ഹൈക്കോടതി ഉത്തരവിട്ടിരുന്നു.
