ന്യൂഡൽഹി: ദീപങ്ങളുടെ ഉത്സവമായ ദീപാവലി ഇന്ന് രാജ്യമെമ്പാടും ആഘോഷിക്കുന്നു. പുത്തൻ പ്രതീക്ഷകളുമായി രാജ്യം ദീപാവലിയെ വരവേറ്റു. അയോധ്യ അടക്കം രാജ്യത്തെ ക്ഷേത്രങ്ങളിൽ പ്രത്യേക പൂജയുണ്ട്. പ്രധാനമന്ത്രി നരേന്ദ്ര മോദി നാവിക സേന അംഗങ്ങൾക്ക് ഒപ്പം ദീപാവലി ആഘോഷിക്കും.
ഗോവൻ തീരത്ത് നങ്കൂരമിട്ട ഐ.എൻ.എസ് വിക്രാന്തിലാകും പ്രധാനമന്ത്രി ദീപാവലി ആഘോഷിക്കുക. ജനങ്ങൾക്ക് പ്രധാനമന്ത്രിയും രാഷ്ട്രപതിയും ദീപാവലി ആശംസകൾ നേർന്നു. ജീവിതം സന്തോഷം, സമൃദ്ധി, സൗഹൃദം കൊണ്ട് പ്രകാശിപ്പിക്കട്ടെ എന്ന് പ്രധാനമന്ത്രി ആശംസിച്ചു .
ജമ്മുകശ്മീരിലെ അഹ്നൂർ സെക്ടറിലെ നിയത്രണ രേഖയിൽ കരസേന അംഗങ്ങൾ ദീപാവലി ആഘോഷിച്ചു . BSF ന്റെ ദീപാവലി ആഘോഷങ്ങൾ അമൃത്സറിലാണ്.
ഒരുമയോടെയും ഐക്യത്തോടെയുമാണ് രാജ്യമെമ്പാടും ജനത ഇന്ന് ആഘോഷത്തിൽ മുഴുകുന്നത്. ഉത്തരേന്ത്യയിൽ വിപുലമായ ആഘോഷമാണ് നടക്കുന്നത്. അയോധ്യയിൽ 26 ലക്ഷം ദീപങ്ങള്‍ തെളിയിച്ചു. ജിഎസ്ടി പരിഷ്കാരമടക്കം വിപണിയിൽ സൃഷ്ടിച്ച ഉണർവ് സാമ്പത്തിക രംഗത്ത് നിർണായകമാകുന്നുണ്ട്.
നാളെയും മറ്റന്നാളും കൂടി നിശ്ചിത സമയങ്ങളിൽ പടക്കം പൊട്ടിക്കാൻ സുപ്രീം കോടതി അനുമതി നൽകിയിട്ടുണ്ട്.
