റാംപുണ്ടെന്ന് കരുതി മുന്നോട്ട് നടന്നു; മിസ് യൂണിവേഴ്സ് വേദിയിൽ മുഖം ഇടിച്ചു വീണു; ​ഗുരുതരമായി പരിക്കേറ്റ മത്സരാർത്ഥി ആശുപത്രിയിൽ

74-ാമത് മിസ് യൂണിവേഴ്‌സ് കീരിടം മെക്സിക്കൻ സുന്ദരി ഫാത്തിമ ബോഷാണ് സ്വന്തമാക്കിയത്. നൂറിലധികം രാജ്യങ്ങളിൽ നിന്നുള്ള മത്സരാർത്ഥികളെ പിന്തള്ളിക്കൊണ്ടാണ് ഫാത്തിമ  നേട്ടം കൈവരിച്ചത്. മാസങ്ങൾ നീണ്ട കഠിനാധ്വാനമാണ് ഫലം കണ്ടത്.

എന്നാൽ ഒരുപാട് സുന്ദരികളുടെ കണ്ണീര് കൂടി വീണതായിരുന്നു ഇപ്രാവശ്യത്തെ മിസ് യൂണിവേഴ്‌സ് മത്സരം. ജമൈക്കൻ മോഡൽ ഗബ്രിയേൽ ഹെൻറി റാംപിൽ  നിന്ന് മുഖം ഇടിച്ച് താഴേക്ക് വീഴുകയായിരുന്നു. ഗുരുതരമായി പരിക്കേറ്റ ഗബ്രിയേൽ ആശുപത്രിയിൽ ചികിത്സയിലാണ്. വീഴ്ചയുടെ വീഡിയോ പുറത്തുവന്നിട്ടുണ്ട്.

El día de hoy inundó las redes el video de Miss Jamaica, Gabrielle Henry sufriendo una terrible caída durante la pasarela de “evening gown”, y tuvo que ser retirada del lugar en camilla. A través de las redes de la Miss se informó que no sufrió lesiones graves pero que seguirá… pic.twitter.com/XhOhkyDwkF

— Meredith Gay 🛋️✨ (@MerGarza) November 20, 2025

മഞ്ഞ ഗൗൺ ധരിച്ച് ആത്മവിശ്വാസത്തോടെ ഗബ്രിയേൽ റാംപിലേക്ക് നടക്കുന്നത് ദൃശ്യങ്ങളിൽ കാണാം. മുന്നോട്ട് നടന്നു നീങ്ങിയ ഗബ്രിയേൽ റാംപിന്റെ അറ്റത്ത് നിന്നും താഴേക്ക് വീഴുകയായിരുന്നു. ഉടൻ തന്നെ വിധികർത്താക്കളും സദസിലിരുന്നവരും സീറ്റിൽ നിന്നും ചാടി എഴുന്നേറ്റ് ഗബ്രിയേലിന്റെ അടുത്തേക്ക് ഓടി. ഉടൻ തന്നെ സംഘാടകർ  സുന്ദരിയെ സ്ട്രെച്ചറിൽ ആശുപത്രിയിലേക്ക് കൊണ്ടുപോകുകയും ചെയ്തു.