കാസർകോട്: ഉളിയത്തടുക്കയിൽ സംസ്ഥാന സർക്കാരിന്റെ ബോധവൽക്കരണ പരിപാടി എസ്ഡിപിഐ തടഞ്ഞു. ഉളിയത്തടുക്ക ടൗണിൽ ശുചിത്വ മിഷന്റെ നേതൃത്വത്തിൽ നടന്ന ഫ്ലാഷ് മോബാണ് ഭീകരാന്തീക്ഷം സൃഷ്ടിച്ച് തടസ്സപ്പെടുത്തിയത്. വെള്ളിയാഴ്ച ജുമ സമയത്ത് പരിപാടി നടത്താൻ അനുവദിക്കില്ലെന്ന് പറഞ്ഞാണ് സ്ത്രീകളെ കൈയ്യേറ്റം ചെയ്തത് .കൂടാതെ സ്ത്രീകൾക്ക് നേരെ തെറിവിളിയും അശ്ലീല പദങ്ങൾ പ്രയോഗങ്ങളും നടത്തി.
പ്രദേശത്തെ കുടുംബശ്രീ പ്രവർത്തകരാണ് ഫ്ലാഷ് മോബ് അവതിപ്പിച്ചിരുന്നത്. സംഭവവുമായി ബന്ധപ്പെട്ട് നാല് എസ്ഡിപിഐ പ്രവർത്തകരെ പൊലീസ് കസ്റ്റഡിയിലെടുത്തു. സംഭവത്തിന്ർറെ വീഡിയോ ദൃശ്യങ്ങൾ പുറത്തുവന്നിട്ടുണ്ട്. എസ്ഡിപിഐ പ്രവർത്തകർ സ്ത്രീകൾക്ക് നേരെ ആക്രോശിക്കുന്നതും പാഞ്ഞടുക്കുന്നതും ഇതിൽ കാണാം. പൊതുസ്ഥലത്ത് പരിപാടി നടത്തിയതിന് കുടുംബശ്രീ പ്രവർത്തകരെ കയ്യേറ്റം ചെയ്തിട്ടും പക്ഷെ സിപിഎമ്മിനും ഡിവൈഎഫ്ഐക്കും മിണ്ടാട്ടമില്ല. എന്തിന് സംഭവത്തെ അപലപിച്ച് കൊണ്ട് പ്രസ്താവന ഇറക്കാൻ പോലും ഇവർ ഇറക്കിയിട്ടില്ല.
