മഹാമണ്ഡലേശ്വര്‍ സ്വാമി ആനന്ദവനം ഭാരതി മഹരാജിന് കോയമ്പത്തൂർ മാതാ അമൃതാനന്ദമയി മഠത്തിന്റെ ആദരം. നല്ലമ്പാളയം ബ്രഹ്മസ്ഥാനം ക്ഷേത്ര ത്തിൽ നടന്ന ചടങ്ങിൽ പൂർണകുംഭം നൽകി ആചാരപരമായ വരവേൽപ്പായിരുന്നു സ്വാമിജിയ്‌ക്ക് നൽകിയത്. ചിന്തയിലും വാക്കിലും നന്മ പ്രകടമാക്കാൻ നമ്മൾ ശ്രമിക്കണമെന്ന് അനുഗ്രഹ പ്രഭാഷണത്തിൽ സ്വാമിജി പറഞ്ഞു.
ആചാര അനുഷ്ഠാനങ്ങൾ പാലിച്ച് സ്വജീവിതത്തിൽ ധർമ്മം പുലർത്താൻ നമ്മൾ ശ്രമിച്ചാൽ അത് രാഷ്‌ട്രത്തിന് വലിയ ഗുണം ചെയ്യും എന്നും സ്വാമി ഓർമ്മപ്പെടുത്തി. ഈ വരുന്ന മാഘ മാസത്തിൽ ഭാരതപ്പുഴ തീരത്ത് മാഘമഹോത്സവത്തിന്റെ ഭാഗമായി നടക്കാനിരിക്കുന്ന കുംഭമേള വലിയ വിജയമാക്കാൻ എല്ലാവരും യജ്ഞ ഭാവേന പ്രവർത്തിക്കണമെന്നും സ്വാമിജി പറഞ്ഞു.
