മസ്കറ്റ്: ഒമാൻ നാഷണൽ ഡേയോടനുബന്ധിച്ച് തൃശ്ശൂർ അസോസിയേഷൻ മസ്കറ്റ് ഒമാനിലെ വിവിധ ഭാഗങ്ങളിലായി വൻതോതിൽ ബീച്ച് ക്ലീനിംഗ് പരിപാടികൾ സംഘടിപ്പിച്ചു.
വെള്ളിയാഴ്ച, 21-ാം തീയതിയായിരുന്നു ഈ ശുചീകരണം, പരിസ്ഥിതി സംരക്ഷണത്തിനും സമൂഹത്തിന്റെ കൂട്ടായ പങ്കാളിത്തത്തിനും ഊന്നൽ നൽകി നടത്തിയ ഈ പ്രവർത്തനങ്ങൾക്ക് അസോസിയേഷന്റെ അംഗങ്ങളിൽ നിന്നും,, പൊതുസമൂഹത്തിൽ നിന്നും മികച്ച സ്വീകാര്യതയും പങ്കാളിത്തവും ലഭിച്ചു.
റൂവി മേഖലയിലെ ബീച്ച് ക്ലീനിംഗ്, കൺവീനർ ശ്രീ സക്കീർ ഹുസൈൻ ۪ന്റെ നേതൃത്വത്തിൽ നടന്നു. അസോസിയേഷൻ പ്രസിഡന്റ് ജയശങ്കർ പാലിശ്ശേരി, സെക്രട്ടറി വാസുദേവൻ തളിയാറ,, ട്രഷറര് മുഹമ്മദ്ലി,,ജനറൽ കൺവീനർ ഷൈജു,, ഡേവിസ്,, തുടങ്ങി സംഘടനയുടെ ഉത്തരവാദിത്തപ്പെട്ട ഭാരവാഹികളും പ്രവർത്തനങ്ങൾക്ക് നേതൃത്വം നൽകി.
അൽമോജ് മേഖലയിലെ ബീച്ച് ക്ലീനിംഗ്, സാമൂഹ്യ ക്ഷേമ വകുപ്പ് ജനറൽ സെക്രട്ടറി ശ്രീ ബിജു അമ്പാടി, വൈസ് പ്രസിഡണ്ട് സുനീഷ് ഗുരുവായൂർ എന്നിവരുടെ നേതൃത്വത്തിലാണ് നടന്നത്. പരിസ്ഥിതി സംരക്ഷണ സന്ദേശം പ്രചരിപ്പിക്കാൻ ലക്ഷ്യമിട്ട് ഇവിടെ സംഘടിപ്പിച്ച പരിപാടിയും വളരെ വിജയകരമായി പൂർത്തിയായി.
ഒമാൻ നാഷണൽ ഡേയോടനുബന്ധിച്ച് സംഘടിപ്പിച്ച ഈ ബീച്ച് ക്ലീനിംഗ് പ്രവർത്തനങ്ങൾ വലിയ തോതിൽ ശ്രദ്ധ നേടുകയും തൃശ്ശൂർ അസോസിയേഷൻ മസ്കറ്റിന്റെ സാമൂഹിക ഉത്തരവാദിത്വ പ്രതിബദ്ധത വീണ്ടും തെളിയിക്കുകയും ചെയ്തു. ബീച്ച് ക്ലീനിങ്ങിൽ പങ്കെടുത്ത എല്ലാ അംഗങ്ങൾക്കും തൃശൂർ അസോസിയേഷൻ മസ്കറ്റിന്റെ പേരിൽ എല്ലാവർക്കും, കൺവീനർ ശ്രീ സാക്കിർ നന്ദി രേഖപ്പെടുത്തി.
