തൃശ്ശൂർ: സംസ്ഥാനത്ത് 15-നും 24-നും ഇടയിൽ പ്രായമുള്ളവരിൽ എച്ച്ഐവി ബാധ കൂടിവരുന്നു. കഴിഞ്ഞ വർഷം സംസ്ഥാനത്ത് 1213 പേർക്കാണ് അണുബാധ സ്ഥിരീകരിച്ചത്. 2022- 23-ൽ ഈ പ്രായപരിധിയിലുള്ളവർ ഒൻപത് ശതമാനമായിരുന്നു. ഈ വർഷം ഏപ്രിൽ മുതൽ ഒക്ടോബർ വരെ 15.4 ശതമാനമാണ് ഇവരുടെ നിരക്ക്.
4, 477 പേർക്കാണ് കഴിഞ്ഞ മൂന്നുവർഷത്തിനിടെ രോഗം സ്ഥിരീകരിച്ചത്. ഇതിൽ 3, 393 പുരുഷൻമാരും 1065 സ്ത്രീകളും 19 പേർ ട്രാൻസ്ജെൻഡർമാരുമാണ്.
ഒന്നിലധികം പങ്കാളികളുമായി സുരക്ഷിതമല്ലാത്ത ലൈംഗികബന്ധത്തിലൂടെയാണ് 62.6 ശതമാനത്തിന് അണുബാധ ഉണ്ടായത്. 24.6 ശതമാനത്തിന് സ്വവർഗരതിയിലൂടെയും 8.1 ശതമാനത്തിന് ഒരേ സിറിഞ്ച് ഉപയോഗത്തിലൂടെയുമാണ്.
