കാൻബറ: ഓസ്ട്രേലിയൻ പ്രധാനമന്ത്രി ആന്റണി അൽബനീസ് വിവാഹിതനായി. കാൻബറയിൽ നടന്ന ഒരു സ്വകാര്യ ചടങ്ങിൽ, 46 കാരിയായ ജോഡി ഹെയ്ഡന് പ്രധാനമന്ത്രി വിവാഹമോതിരം കൈമാറി. ഇതോടെ 124 വർഷം പഴക്കമുള്ള ഓസ്ട്രേലിയൻ ഫെഡറൽ ഗവൺമെന്റിന്റെ ചരിത്രത്തിൽ, അധികാരത്തിലിരിക്കെ വിവാഹം കഴിക്കുന്ന ആദ്യത്തെ പ്രധാനമന്ത്രിയായി അദ്ദേഹം മാറി.
ദി ലോഡ്ജിന്റെ ഗ്രൗണ്ടിൽ നടന്ന വിവാഹത്തിൽ ഓസ്കാർ ജേതാവായ നടൻ റസ്സൽ ക്രോയും കാബിനറ്റ് മന്ത്രിമാരും അടക്കം വെറും 60 അതിഥികൾ മാത്രമാണ് പങ്കെടുത്തത്. 62 കാരിയായ അൽബനീസിന്റെ രണ്ടാം വിവാഹമാണിത്. ആദ്യ ബന്ധത്തിൽ 18 കാരനായ മകനുണ്ട്.
ധനകാര്യമേഖലയിലാണ് ഹെയ്ഡൻ ജോലി ചെയ്യുന്നത്. 2020 ൽ മെൽബണിൽ നടന്ന ഒരു ബിസിനസ് ഡിന്നറിൽ വെച്ചാണ് ഇരുവരും പരിചയപ്പെടുന്നത്. കഴിഞ്ഞ വർഷം വാലന്റൈൻസ് ദിനത്തലാണ് ഓസ്ട്രേലിയൻ പ്രധാനമന്ത്രി ജോഡി ഹെയ്ഡനോട് വിവാഹാഭ്യർത്ഥന നടത്തിയത്.
