ന്യൂഡൽഹി: മുതിർന്ന കോൺഗ്രസ് നേതാവും മുൻ കേന്ദ്ര ആഭ്യന്തര മന്ത്രിയുമായ ശിവരാജ് പാട്ടീൽ (90) അന്തരിച്ചു. മഹാരാഷ്‌ട്ര ലാത്തൂരിലെ സ്വവസതിയിൽ രാവിലെ 6.30 ഓടെയാണ് അദ്ദേഹത്തിന്റെ അന്ത്യം. വാർദ്ധക്യസഹജമായ അസുഖങ്ങളെ തുടർന്ന് ദീർഘനാളായി ചികിത്സയിലായിരുന്നു അദ്ദേഹം.
1935 ഒക്ടോബര്‍ 12-ന് ജനിച്ച പാട്ടീല്‍, ലത്തൂരിലെ മുനിസിപ്പല്‍ കൗണ്‍സില്‍ ചീഫായിട്ടാണ് തന്റെ രാഷ്‌ട്രീയ ജീവിതം ആരംഭിച്ചത്. 1980 മുതൽ 2004 വരെ തുടർച്ചയായി ഏഴ് തവണ ലാത്തൂർ മണ്ഡലത്തിൽ നിന്നും ലോക്സഭയിൽ എത്തിയിട്ടുണ്ട്. 2004 ലെ ലോക്‌സഭാ തിരഞ്ഞെടുപ്പില്‍ ബിജെപിയുടെ രൂപതായ് പാട്ടീല്‍ നീലംഗറോട് പരാജയപ്പെട്ടു. രണ്ട് തവണ എംഎൽഎയായും പ്രവർത്തിച്ചിട്ടുണ്ട്.
