പാട്ന: സിപിഐഎം കേന്ദ്ര കമ്മിറ്റി അംഗം പി കെ ശ്രീമതിയുടെ ഫോണും ഹാന്ഡ്ബാഗും ട്രെയിന് യാത്രയ്ക്കിടെ മോഷണം പോയി. കൊല്ക്കത്തയില് നിന്ന് ബിഹാറിലെ സമസ്തിപൂരിലേക്ക് പോകുന്നവഴിയാണ് മോഷണം നടന്നത്. 40000 രൂപ, മൊബൈല് ഫോണ്, സ്വര്ണക്കമ്മല്, തിരിച്ചറിയല് രേഖകള് എന്നിവയാണ് ബാഗിലുണ്ടായിരുന്നത്. സംഭവത്തില് പി കെ ശ്രീമതി പൊലീസിൽ പരാതി നല്കി.എസി കോച്ചില് ലോവര് ബര്ത്തില് കിടക്കുമ്പോഴാണ് സംഭവം.
സമസ്തിപൂരിന് അടുത്തുള്ള ദര്സിങ് സരായിലേക്ക് സമ്മേളനത്തിന് പോകുന്നത് വഴിയാണ് മോഷണം നടന്നത്. തന്റെ തലയ്ക്ക് തൊട്ടുമുകളിലായാണ് ബാഗ് വെച്ചിരുന്നതെന്ന് ശ്രീമതി പറയുന്നു . ഐഡന്റിന്റി കാര്ഡ്, പാര്ലമെന്ററി കാര്ഡ്, ലോക്സഭാ ഐഡന്റിന്റി കാര്ഡ് തുടങ്ങി എല്ലാ തിരിച്ചറിയല് കാര്ഡുകളും മോഷണം പോയി.
