ധുരന്ധറിന്റെ മിന്നും വിജയം പ്രൊപ്പഗാണ്ട സിനിമയാണെ് ആരോപിച്ചവർക്കുള്ള അടിയാണെന്ന് ബോളിവുഡ് നടൻ അനുപം ഖേർ. സിനിമയുടെ ഭാഗമല്ലെങ്കിലും വിജയം സന്തോഷിപ്പിക്കുന്നുവെന്ന് വിദേശത്ത് നിന്ന് പങ്കുവെച്ച വീഡിയോയിൽ നടൻ പറഞ്ഞു. ധുരന്ധർ 1,000 കോടി കടന്നതിന് പിന്നാലെയാണ് താരത്തിന്റെ പ്രതികരണം.
‘ഈ സിനിമയിൽ ഞാൻ അഭിനയിച്ചിട്ടില്ല, യാതൊരു തരത്തിലും സിനിമയുമായി ബന്ധവുമില്ല. എന്നിട്ടും ഈ സിനിമയുടെ വിജയം എന്റെ ഹൃദയം നിറയ്ക്കുന്നു. എനിക്ക് സമാധാനവും അഭിമാനവും തോന്നുന്നു, അനുപംഖേർ പറഞ്ഞു.
ആദിത്യ ധർ ചിത്രം ധുരന്ധർ എനിക്ക് വളരെ ഇഷ്ടപ്പെട്ടു. അയാൾ ഒരു കാശ്മീരി ആയതുകൊണ്ട് മാത്രമല്ല. പീഡിപ്പിക്കപ്പെട്ട ഒരു കുടുംബത്തിൽനിന്നാണ് അദ്ദേഹം വരുന്നത്. വിജയം എന്താണെന്ന് തന്റെ പ്രവർത്തനത്തിലൂടെ അദ്ദേഹം കാണിച്ചുതന്നു. എന്തൊരു ധൈര്യമാണ്. ഒരു ചലച്ചിത്ര നിർമ്മാതാവെന്ന നിലയിൽ അദ്ദേഹം ഒരു പാറ്റേണും ഫോർമുലയും പിന്തുടർന്നിട്ടില്ലെന്നും അദ്ദേഹം ചൂണ്ടിക്കാട്ടി.
കശ്മീരി ഫയൽസിനെ പോലെ ധുരന്ധറിനെ തകർക്കാനും ഒരു വിഭാഗം ശ്രമിച്ചു. കശ്മീരി ഫയൽസിന്റെ കാര്യത്തിൽ അവർ ചെറിയ ശതമാനം വിജയിച്ചു. എന്നാൽ ധുരന്ധറിന്റെ വിജയം അവർക്കേറ്റ തിരിച്ചടിയാണെന്നും” അനുപം ഖേർ കൂട്ടിച്ചേർത്തു.
