ന്യൂഡൽഹി: തീഹാർ ജയിലിൽ കഴിയുന്ന ഡൽഹി ഹിന്ദുവിരുദ്ധ കലാപക്കേസ് പ്രതി ഉമർ ഖാലിദിന് പിന്തുണ അറിയിച്ച് ന്യൂയോർക്ക് മേയർ സൊഹ്റാൻ മംദനി രംഗത്ത്. ഖുർആനിൽ തൊട്ടുകൊണ്ടുള്ള മംദനിയുടെ സത്യപ്രതിജ്ഞയ്ക്ക് പിന്നാലെ ഉമർ ഖാലിദിന്റെ പങ്കാളി ബനോജ്യോത്സ്ന ലാഹിരിയാണ് കുറിപ്പ് പങ്കുവെച്ചത്.
“പ്രിയപ്പെട്ട ഉമർ, കയ്പിനെ കുറിച്ചുള്ള നിങ്ങളുടെ വാക്കുകൾ ഞാൻ പലപ്പോഴും ഓർക്കുന്നു, നിങ്ങളുടെ മാതാപിതാക്കളെ കണ്ടുമുട്ടിയതിൽ സന്തോഷമുണ്ട്. ഞങ്ങളെല്ലാവരും നിന്നെക്കുറിച്ചാണ് ചിന്തിക്കുന്നത്.”എന്നിങ്ങനെ പോകുന്നു കുറിപ്പിന്റെ ഉള്ളടക്കം. കഴിഞ്ഞ ദിവസം അൽ-ഖ്വയ്ദയുടെ അഭിഭാഷകൻ റാസിം ഖാസിമിനെ മംദാനി നിയമോപദേഷ്ടാവായി നിയമിച്ച് ഉത്തരവിറക്കിയിരുന്നു.
ഡൽഹി കലാപ ഗൂഢാലോചനക്കേസിൽ 2020 ഫെബ്രുവരിയിലാണ് ഉമർ ഖാലിദ് അറസ്റ്റിലായത്. കശ്മീരിലെ ഹിസ്ബുൽ മുജാഹിദ്ദീൻ നേതാവായിരുന്നു ബുർഹാൻ വാനിയുടെ കടുത്ത ആരാധകനാണ് ഉമർ ഖാലിദ്. 2016 ലാണ് ബുർഹാൻ വാനി സേനയുമായുള്ള ഏറ്റുമുട്ടലിൽ കൊല്ലപ്പെട്ടത്.
നിരോധിത ഇസ്ലാമിക തീവ്രവാദ സംഘടനയായ സ്റ്റുഡന്റ്സ് ഇസ്ലാമിക് മൂവ്മെന്റ് ഓഫ് ഇന്ത്യ (സിമി) മുൻ അംഗമായ സയ്യിദ് കാസിം റസൂൽ ഇല്യാസിന്റെ മകനാണ് ഉമർ ഖാലിദ്. ജമാഅത്തെ ഇസ്ലാമി ഹിന്ദ്, എഐഎംപിഎൽബി എന്നിവയുടെ കേന്ദ്ര ഉപദേശക സമിതി അംഗമാണ് ഇപ്പോൾ സയ്യിദ് കാസിം റസൂൽ.
