ന്യൂഡൽഹി: ഡൽഹി ഹിന്ദുവിരുദ്ധ കലാപത്തിന്റെ ഗൂഢാലോചനക്കേസിൽ ജയിൽ കഴിയുന്ന ഉമർ ഖാലിദിന് പിന്തുണച്ചു കൊണ്ടുള്ള ന്യൂയോർക്ക് മേയർ സൊഹ്റാൻ മംദാനിയുടെ കുറിപ്പിൽ കടുത്ത അതൃപ്തി അറിയിച്ച് ഇന്ത്യ. ഇന്ത്യയുടെ ആഭ്യന്തര കാര്യങ്ങളിൽ അഭിപ്രായം ആവശ്യമില്ലെന്നും മേയർ ന്യൂയോർക്കിലെ കാര്യങ്ങൾ നോക്കിയാൽ മതിയെന്നുമാണ് ഇന്ത്യയുടെ പ്രതികരണത്തിന്റെ രത്നചുരുക്കം.
മംദാനി ഇത്തരം അഭിപ്രായ പ്രകടനങ്ങൾ നടത്തുന്നതിനു പകരം സ്വന്തം ഉത്തരവാദിത്തങ്ങളിൽ ശ്രദ്ധ കേന്ദ്രീകരിക്കണമെന്ന് വിദേശകാര്യ വക്താവ് രൺധീർ ജയ്സ്വാൾ പറഞ്ഞു. മറ്റു ജനാധിപത്യ രാജ്യങ്ങളിലെ നീതിന്യായ വ്യവസ്ഥയുടെ സ്വാതന്ത്ര്യത്തോട് ബഹുമാനം പുലർത്തണം. വ്യക്തിപരമായ മുൻവിധികൾ പ്രകടിപ്പിക്കുന്നത് ഔദ്യോഗിക പദവിയിലിരിക്കുന്നവർക്ക് ചേർന്നതല്ലെന്നും അദ്ദേഹം ഓർമിപ്പിച്ചു.
കഴിഞ്ഞ ദിവസം യുഎപിഎ പ്രതിയായ ഉമർ ഖാലിദിന് സുപ്രീംകോടതി ജാമ്യം നിഷേധിച്ചതിന് പിന്നാലെയാണ് ഇന്ത്യാ വിരുദ്ധനായ മംദാനിയുടെ സ്വന്തം കൈപ്പടയിൽ എഴുതിയ കുറിപ്പ് പുറത്തുവന്നത്. കഴിഞ്ഞ മാസം യുഎസിൽ വെച്ചണ് ഉമർ ഖാലിദിന്റെ മാതാപിതാക്കൾക്ക് കൈമാറിയതാണ് ഈ കുറിപ്പ്. കുറിപ്പിൽ മംദാനി ഖാലിദിന് ഐക്യദാർഢ്യം പ്രഖ്യാപിച്ചിട്ടുണ്ട്
