ഇരിങ്ങാലക്കുട: കൂടല്മാണിക്യം തിരുവുത്സവത്തോടനുബന്ധിച്ച് തട്ടകത്തെ നിവാസികള് സമര്പ്പണമായി അവതരിപ്പിക്കുന്ന കലാപരിപാടികള്ക്ക് നാണയപ്പറ വെയ്ക്കണമെന്ന് ദേവസ്വം.1500 രൂപയുടെ നാണയപ്പറ വഴിപാടായി നിര്ബന്ധപൂര്വ്വം വാങ്ങിക്കാനുള്ള ദേവസ്വം മാനേജ്മെന്റ് കമ്മിറ്റി നിലപാടിനെതിരെ പ്രതിഷേധവുമായി ബിജെപി.
ഭഗവാന്റെ മുന്നില് സമര്പ്പണമായി അവതരിപ്പിക്കുന്ന പരിപാടിയുടെ വേഷവിധാനങ്ങള് ഓര്ക്കസ്ട്ര, മേക്കപ്പ്, ഗായകര് എന്നിവര്ക്ക് ഭീമമായ തുക നല്കണം. സമര്പ്പണമായി തട്ടകത്തെ നിവാസികള് അവതരിപ്പിക്കുന്ന പരിപാടികള്ക്ക് ദേവസ്വം മാനേജിംഗ് കമ്മിറ്റി നിര്ന്ധമായി വഴിപാട് ചെയ്യിക്കുന്നത് തട്ടകത്തെ നിവാസികളോടും വിശ്വാസികളോടും കാണിക്കുന്ന അപമര്യാദയാണെന്നും ഈ തീരുമാനം പിന്വലിക്കണമെന്ന് ബിജെപി ആവശ്യപ്പെട്ടു. ഇത് സംന്ധിച്ച് ബിജെപി ഇരിങ്ങാലക്കുട മണ്ഡലം പ്രസിഡന്റ് ആര്ച്ച അനീഷിന്റെ നേതൃത്വത്തില് ദേവസ്വം ചെയര്മാന് അഡ്വ. വി.കെ. ഗോപിക്ക് നിവേദനം നല്കി. ഈ നടപടിയുമായി ദേവസ്വം മുന്നോട്ടു പോകുന്ന പക്ഷം ഭക്തജനങ്ങളെയും നാട്ടുകാരെയും ഉള്പ്പെടുത്തി പ്രക്ഷോഭം സംഘടിപ്പിക്കേണ്ടി വരുമെന്നും ബിജെപി അറിയിച്ചു.
മണ്ഡലം ജനറല് സെക്രട്ടറി വി.സി.രമേഷ്, വാര്ഡ് കൗണ്സിലര് സ്മിത കൃഷ്ണകുമാര്, മണ്ഡലം ഉപാധ്യക്ഷന് രമേശ് അയ്യര് എന്നിവരോടൊപ്പമെത്തിയാണ് ചെയര്മാന് നിവേദനം സമര്പ്പിച്ചത്. അതേസമയം തിരുവാതിരക്കളി പോലുള്ള ടീമുകളില് നിന്ന് മാത്രമാണ് നാണയപ്പറ വഴിപാടായി സ്വീകരിക്കാന് തീരുമാനിച്ചതെന്ന് ദേവസ്വം ഭരണസമിതി അംഗം മുരളി ഹരിതം പറയുന്നു. ഭരണസമിതിയുടെ തീരുമാനം ജനങ്ങളെ ബുദ്ധിമുട്ടിക്കാനല്ലെന്നും ഐശ്വര്യത്തിന് വേണ്ടിയുള്ള നാണയപ്പറ ഭഗവാന് മുന്നിലാണ് സമര്പ്പിക്കപ്പെടുന്നത് എന്നും മുരളി ഹരിതം അവകാശപ്പെടുന്നു.
