ന്യൂഡൽഹി : ഈ വർഷത്തെ റിപ്പബ്ലിക് ദിനത്തോടനുബന്ധിച്ച് പോലീസ്, ഫയർ, ഹോം ഗാർഡ്സ്, സിവിൽ ഡിഫൻസ്, കറക്ഷണൽ സർവീസസ് എന്നിവയിലെ 982 ഉദ്യോഗസ്ഥർക്ക് ധീരതയ്‌ക്കും സേവനത്തിനുമുള്ള മെഡലുകൾ നൽകി. ഈ ബഹുമതികളിൽ 125 ധീരത മെഡലുകളും ഉൾപ്പെടുന്നു.
ജമ്മു കശ്മീർ മേഖലയിൽ നിന്നുള്ള 45 പേർ, ഇടതുപക്ഷ തീവ്രവാദ ബാധിത പ്രദേശങ്ങളിൽ നിന്നുള്ള 35 പേർ, വടക്കുകിഴക്കൻ സംസ്ഥാനങ്ങളിൽ നിന്നുള്ള അഞ്ച് പേർ, മറ്റ് മേഖലകളിൽ നിന്നുള്ള 40 പേർ എന്നിങ്ങനെയാണ് ധീരതാ അവാർഡുകളിൽ ഭൂരിഭാഗവും. ധീരതാ മെഡലുകൾ ലഭിച്ചവരിൽ നാല് പേർ അഗ്നിശമന സേനാംഗങ്ങളാണ്
അതേ സമയം ഔദ്യോഗിക കണക്കുകൾ പ്രകാരം സംസ്ഥാനങ്ങളിൽ ഏറ്റവും കൂടുതൽ ധീരത മെഡലുകൾ ലഭിച്ചത് ജമ്മു കശ്മീർ പോലീസിനാണ്, 33 എണ്ണം. ഇതിനുപുറമെ മഹാരാഷ്‌ട്ര പോലീസിന് 31 ഉത്തർപ്രദേശ് പോലീസിനും 18 ഉം ദൽഹി പോലീസിന് 14 ഉം പേരാണ്. കേന്ദ്ര സായുധ പോലീസ് സേനകളിൽ ധീരത മെഡലുകൾ ലഭിച്ച ഏക സേന സെൻട്രൽ റിസർവ് പോലീസ് സേനയാണ്, 12 എണ്ണം.
