കൊല്ലം: മുതുപിലാക്കാട് ശ്രീ പാർത്ഥസാരഥി ക്ഷേത്രത്തിന് മുന്നിൽ ഓപ്പറേഷൻ സിന്ദൂർ പൂക്കളമിട്ടത്, പൊലീസ് കേസാക്കിയ ദേശവിരുദ്ധരുടെ ഭരണസമിതി പടിക്ക് പുറത്ത്. ക്ഷേത്രത്തിലെ ഭരണ സമിതി തെരഞ്ഞെടുപ്പിൽ പാർത്ഥ സാരഥി ഭക്തജന സമിതി 27 ൽ 27 സീറ്റും നേടി ചരിത്ര വിജയം നേടി.
ഓപ്പറേഷൻ സിന്ദൂർ പൂക്കളം നീക്കം ചെയ്യാൻ പരാതി നൽകിയ സിപിഎം – കോൺഗ്രസ് സഖ്യത്തിലുള്ള ഭരണസമിതിയാണ് പരാജയപ്പെട്ടത്. പാർത്ഥ സാരഥി സേവാ സമിതി എന്ന പേരിലാണ് സിപിഎം – കോൺഗ്രസ് സഖ്യം പ്രവർത്തിച്ചിരുന്നത്.
ക്ഷേത്രത്തിലെ ഓപ്പറേഷൻ സിന്ദൂർ പൂക്കള വിവാദം ജനം ടി വി പുറത്തു കൊണ്ട് വന്നിരുന്നു. പരാജയപ്പെട്ട ഇതേ സഖ്യമാണ് മുൻപ് ക്ഷേത്രങ്ങളിൽ കാവി കൊടി കെട്ടാൻ പാടില്ലെന്ന് കാട്ടി കേരളത്തിൽ ആദ്യമായി ഹൈക്കോടതിയെ സമീപിച്ചത്.
