ധാക്ക: ബംഗ്ലാദേശിന്റെ പുതിയ പ്രധാനമന്ത്രിയായി ബംഗ്ലാദേശ് നാഷണലിസ്റ്റ് പാർട്ടി (ബിഎൻപി) ചെയർമാൻ താരിഖ് റഹ്മാൻ സത്യപ്രതിജ്ഞ ചെയ്തു.
ജാതിയ സൻസദ് ഭവന്റെ സൗത്ത് പ്ലാസയിൽ വൈകുന്നേരം 4:15 ന് പ്രസിഡന്റ് മുഹമ്മദ് ഷഹാബുദ്ദീൻ സത്യവാചകം ചൊല്ലിക്കൊടുത്തു.
നേരത്തെ നടന്ന ബിഎൻപി യോഗത്തിൽ താരിഖ് റഹ്മാനെ പാർലമെന്ററി നേതാവായി തിരഞ്ഞെടുത്തിരുന്നു. അദ്ദേഹത്തിന്റെ നേതൃത്വത്തിൽ ബിഎൻപി പുതിയ മന്ത്രിസഭയെ പ്രഖ്യാപിച്ചു. 25 മന്ത്രിമാരെയും 24 സഹമന്ത്രിമാരെയും മന്ത്രിസഭയിൽ നാമനിർദ്ദേശം ചെയ്തു.
പുതിയ പ്രധാനമന്ത്രി താരിഖ് റഹ്മാൻ ബുധനാഴ്ച (ഫെബ്രുവരി 18) രാവിലെ 10 മണിക്ക് ദേശീയ രക്തസാക്ഷി സ്മാരകത്തിൽ പുഷ്പചക്രം അർപ്പിക്കും. തുടർന്ന് ഉച്ചയ്ക്ക് 12:30 ഓടെ സെക്രട്ടേറിയറ്റിലെ പ്രധാനമന്ത്രിയുടെ ഓഫീസായ കാബിനറ്റ് ഡിവിഷനിൽ അദ്ദേഹം ഔദ്യോഗികമായി അധികാരമേൽക്കുമെന്ന് റിപ്പോർട്ടുകൾ പറയുന്നു.
