ഗൂഗിൾ മാപ്സ് ഇനി വെറുമൊരു മാപ്പല്ല!!! പതിറ്റാണ്ടുകൾക്ക് ശേഷം ജെമിനി എഐ സാങ്കേതികവിദ്യയുടെ സഹായത്തോടെ പുതിയ ഫീച്ചർ അവതിരിപ്പിച്ച് ഗൂഗിൾ മാപ്സ്. പ്രധാനമായും ‘ആസ്ക് മാപ്സ്’, ‘ഇമ്മേഴ്സീവ് നാവിഗേഷൻ’ എന്നീ രണ്ട് ഫീച്ചറുകളാണ് ഗൂഗിൾ സിഇഒ സുന്ദർ പിച്ചൈ പ്രഖ്യാപിച്ചത്. ഇതിലൂടെ ഗൂഗിൾ മാപ്സിനെ ഒരു സാധാരണ നാവിഗേഷൻ ടൂളിൽ നിന്ന് ഒരു വ്യക്തിഗത യാത്രാ സഹായിയായി മാറ്റുകയാണ് കമ്പനി.
ആസ്ക് മാപ്സ്
മാപ്പിൽ എവിടെ പോകണം, എങ്ങനെ പോകണം എന്നതിനെക്കുറിച്ച് ലളിതമായ ഭാഷയിൽ ഉപയോക്താക്കൾക്ക് ചോദ്യങ്ങൾ ചോദിക്കാം. ഉദാഹരണത്തിന്, “പുസ്തകങ്ങൾ വായിക്കാൻ പറ്റിയ, തിരക്കില്ലാത്ത ഒരു കഫേ എവിടെയുണ്ട്?” എന്നിങ്ങനെ സങ്കീർണ്ണമായ ചോദ്യങ്ങൾക്ക് ആസ്ക് മാപ്സ് കൃത്യമായ മറുപടി നൽകും.
ഇമ്മേഴ്സീവ് നാവിഗേഷൻ
ഡ്രൈവിംഗ് അനുഭവം കൂടുതൽ മികച്ചതാക്കാൻ ഈ ഫീച്ചർ സഹായിക്കുന്നു. വഴികൾ, കെട്ടിടങ്ങൾ, പാലങ്ങൾ എന്നിവയെല്ലാം കൂടുതൽ വ്യക്തതയോടെ 3D രൂപത്തിൽ മാപ്പിൽ കാണാൻ സാധിക്കും. ട്രാഫിക് ലൈറ്റുകൾ, സ്റ്റോപ്പ് ചിഹ്നങ്ങൾ എന്നിവ കൂടുതൽ വ്യക്തമായി കാണിക്കുന്നത് ഡ്രൈവർമാർക്ക് എളുപ്പം വാഹനം ഓടിക്കാൻ സഹായിക്കും.
നിലവിൽ ഈ ഫീച്ചറുകൾ ഇംഗ്ലീഷ് ഭാഷയിലാണ് ലഭ്യമായിട്ടുള്ളത്. ഉടൻ തന്നെ ഹിന്ദി ഭാഷാ പിന്തുണയും ലഭിക്കുമെന്ന് ഗൂഗിൾ അറിയിച്ചിട്ടുണ്ട്. ഇന്ത്യയിലും അമേരിക്കയിലും ഉള്ള ആൻഡ്രോയിഡ് ഉപയോക്താക്കൾക്കായി ഈ ഫീച്ചറുകൾ ഇതിനകം ലഭ്യമായിത്തുടങ്ങിയിട്ടുണ്ട്.
We’re bringing new capabilities powered by Gemini models to @googlemaps.
With Ask Maps, get answers to complex questions about any place you want. For example it can help with complex requests like “Find me the best 3-hour family hikes in the Grand Tetons and a spot for a packed… pic.twitter.com/9jc5nQq4C5
— Sundar Pichai (@sundarpichai) March 12, 2026
