തിരുവനന്തപുരം: പശ്ചിമേഷ്യൻ പ്രതിസന്ധിയുടെ പശ്ചാത്തലത്തിൽ സംസ്ഥാനത്ത് സ്വർണവിലയിൽ വീണ്ടും ഇടിഞ്ഞു. ഗ്രാമിന് 215 രൂപയും പവന് 1,720 രൂപയുമാണ് കുറഞ്ഞത്. ഇതോടെ ഗ്രാമിന് 13,885 രൂപയും പവന് 1,11,080 രൂപയുമായി. 18 കാരറ്റ് സ്വര്ണം ഗ്രാമിന് 175 രൂപ കുറഞ്ഞ് 11,410 രൂപയായി.
യു.എസ്-ഇറാന് യുദ്ധം തുടങ്ങിയ ശേഷം സ്വര്ണത്തില് 10 ശതമാനത്തിലേറെ ഇടിവാണ് രേഖപ്പെടുത്തിയത്. കഴിഞ്ഞ ദിവസം മാസത്തിലെ ഏറ്റവും ഉയർന്ന നിരക്കാണ് രേഖപ്പെടുത്തിയത്. 1,12,800 രൂപയാണ് ഇന്നലെ ഒരു പവൻ സ്വർണത്തിന്റെ വില. ഗ്രാമിന് 14,100 രൂപയും. മൂന്ന് ശതമാനം ജിഎസ്ടിയും പണിക്കൂലിയും ഹാൾമാർക്കിങ് ചാർജും ചേരുമ്പോൾ ഒരു പവൻ സ്വർണാഭരണം വാങ്ങണമെങ്കിൽ കുറഞ്ഞത് 1, 20,000 രൂപയെങ്കിലും നൽകേണ്ടി വരുമായിരുന്നു. ഏപ്രിൽ 7ന് 1,09,880 രൂപയായിരുന്നു വില. എന്നാൽ, എട്ടാം തീയതി ഒറ്റയടിക്ക് 2,920 രൂപയാണ് കൂടിയത്.
