കണ്ണൂര്: സിപിഎം പയ്യന്നൂര് ഏരിയ നേതൃത്വത്തിനെതിരെ തുറന്നടിച്ച് പൊലീസിന് നേരെ ബോംബെറിഞ്ഞ കേസില് ശിക്ഷിക്കപ്പെട്ട് ജയിലില് കഴിയുന്ന ടിസിവി നന്ദകുമാറിന്റെ ഭാര്യ. സിപിഎമ്മിന്റെ പരാജയം വരുത്തിയ അരക്ഷിതാവസ്ഥയും വിഭാഗീയതയില് നേതൃത്വത്തെ കുറ്റപ്പെടുത്തിയുമാണ് ശരണ്യ നന്ദകുമാറിന്റെ ഫേസ്ബുക്ക് കുറിപ്പ്.
പയ്യന്നരിലെ ബിഎംഎസ് നേതാവ് രാമചന്ദ്രൻ കൊലപ്പെടുത്തിയ കേസിലും ടിസിവി നന്ദകുമാർ ഉൾപ്പെട്ടിട്ടുണ്ട്. വീട്ടിൽ കയറി ഭാര്യയുടെയും മക്കളുടെയും മുന്നിലായിരുന്നു കൊലപാതകം. രാമചന്ദ്രന്റെ ഭാര്യ കാലു പിടിച്ച് കരഞ്ഞിട്ടും നന്ദകുമാർ രാമചന്ദ്രനെ വെട്ടിവീഴ്ത്തുകയായിരുന്നു എന്നാണ് പ്രദേശവാസികൾ പറയുന്നു.
പയ്യന്നൂരിലെ തോല്വിക്ക് കാരണം നേതൃത്വം തന്നെ പിന്നില് നിന്ന് കുത്തിയത് കൊണ്ടാണെന്ന് ഉറപ്പാണ്. എന്ത് വിശ്വസിച്ചിട്ടാണ് തങ്ങളിനി ജീവിക്കേണ്ടതെന്നും എല്ലാം പാര്ട്ടി നോക്കുമെന്നാണ് വിചാരിച്ചത്, പക്ഷേ ഇപ്പോള് പേടിയാണെന്നും അവര് ഫേസ്ബുക്കില് കുറിച്ചു.
ഫേക്ക് അക്കൗണ്ടിലൂടെ ജീവിതകാലം മുഴുവന് ജയിലില് കിടത്തുമെന്ന് ട്രോള് വീഡിയോ വരുന്നു. പാര്ട്ടിയെ ഗ്രൂപ്പ് കളിച്ച് തോല്പ്പിക്കാന് കഴിയുമെങ്കില് ഇതും അവര്ക്ക് കഴിയുമായിരിക്കില്ലേ. ഈ യുദ്ധത്തിനിടയില് ഞങ്ങളുടെയെല്ലാം ജീവിതമെന്താകും, ആര് മറുപടി പറയുമെന്നും അവര് ചോദിച്ചു.
ജാമ്യത്തിനായി ഹൈക്കോടതിയില് അപേക്ഷ നല്കിയിട്ടുണ്ട്. എന്നാല് അഭിഭാഷകനോട് ജാമ്യം പതിയെ മതിയെന്ന് ഏരിയാ നേതാക്കള് നിര്ദേശിച്ചെന്നാണ് പാര്ട്ടി ഗ്രൂപ്പുകളിലെ ചര്ച്ച. ഈ പശ്ചാത്തലത്തിലാണ് ശരണ്യ നന്ദകുമാറിന്റെ ഫേസ്ബുക്ക് കുറിപ്പ് പുറത്തുവന്നത്.
അതേസമയം, പയ്യന്നൂരിലെ പാര്ട്ടി പ്രവര്ത്തകര്ക്കിടയില് പോസ്റ്റ് വലിയ ചര്ച്ചയാ ശരണ്യയുടെ ഫേസ്ബുക്ക് പോസ്റ്റ് പാര്ട്ടി നേതൃത്വം ഇടപെട്ട് നീക്കം ചെയ്തു.
