കൊൽക്കത്ത: നീണ്ട 15 വർഷത്തെ ഇടവേളയ്ക്ക് ശേഷം സിപിഎം മുഖപത്രമായ ‘ഗണശക്തി’യിൽ സംസ്ഥാന സർക്കാർ പരസ്യങ്ങൾ പ്രത്യക്ഷപ്പെട്ടു. ശനിയാഴ്ച പുറത്തിറങ്ങിയ പത്രത്തിന്റെ മുൻപേജിലാണ് സർക്കാരിന്റെ പരസ്യമുള്ളത്. പ്രധാനമന്ത്രി നരേന്ദ്രമോദിയുടെയും പുതിയ മുഖ്യമന്ത്രി സുവേന്ദു അധികാരിയുടെയും ചിത്രങ്ങൾ അടങ്ങിയ സർക്കാർ പരസ്യം അതീവ പ്രാധാന്യത്തോടെയാണ് ഗണശക്തി പ്രസിദ്ധീകരിക്കുകയും ചെയ്തു.
കൊൽക്കത്തയിലെ ബ്രിഗേഡ് പരേഡ് ഗ്രൗണ്ടിൽ നടന്ന സത്യപ്രതിജ്ഞാ ചടങ്ങുമായി ബന്ധപ്പെട്ട പൂർണ്ണ പേജ് പരസ്യം ഉൾപ്പെടെയുള്ള കൂടുതൽ സർക്കാർ പരസ്യങ്ങൾ പത്രത്തിന്റെ ഉൾപ്പേജുകളിലും ഇടംപിടിച്ചു.
നേരത്തെ മമതാ ബാനർജി സിപിഎം പത്രത്തിന് പരസ്യം നൽകുന്നത് നിരോധിച്ചിരുന്നു. ബിജെപി അധികാരത്തിൽ വന്നതോടെ പാർട്ടി ഓഫീസുകൾ തുറക്കാൻ സിപിഎമ്മിന് സ്വാതന്ത്ര്യം കിട്ടിയിരുന്നു. പിന്നാലെയാണ് പാർട്ടി പത്രത്തിന് പരസ്യം ലഭിച്ചത്
