ബെംഗളൂരു: കർണാടക ആസൂത്രണ, സ്ഥിതിവിവരക്കണക്ക് മന്ത്രി ഡി. സുധാകർ അന്തരിച്ചു. ഞായറാഴ്ച പുലർച്ചെ കൃഷ്ണ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിലായിരുന്നു അദ്ദേഹത്തിന്റെ അന്ത്യം. 66 വയസായിരുന്നു. കഴിഞ്ഞ രണ്ട് മാസമായി ശ്വാസകോശ അണുബാധയ്ക്ക് ചികിത്സയിലായിരുന്നു.
മുതിർന്ന കോൺഗ്രസ് നേതാവും ചിത്രദുർഗ ജില്ലയിലെ ഹിരിയൂരിൽ നിന്നുള്ള എംഎൽഎയുമായിരുന്നു സുധാകർ. 2004ല് കോണ്ഗ്രസ് ടിക്കറ്റില് ചല്ലക്കെരെയില് നിന്നുമാണ് ആദ്യമായി വിജയിച്ചത്.
