കൊൽക്കത്ത: സർക്കാർ ജോലികളിലേക്കുള്ള പ്രായപരിധി ഉയർത്തി പശ്ചിമ ബംഗാൾ സർക്കാർ. പശ്ചിമ ബംഗാൾ സർവീസസ് റൂൾസ്, 1981-ൽ ഭേദഗതി വരുത്തിയാണ് തീരുമാനം. ഗ്രൂപ്പ് ‘എ’ തസ്തികകളിലേക്കുള്ള പരമാവധി പ്രായപരിധി 41 വയസാക്കി. ഗ്രൂപ്പ് ‘ബി’ തസ്തികകൾക്ക് 44 വയസും ഗ്രൂപ്പ് ‘സി’, ‘ഡി’ തസ്തികകൾക്ക് 45 വയസുമായിരിക്കും പുതിയ പരിധി.
ഏതെങ്കിലും തസ്തികയിൽ ഇതിനേക്കാൾ ഉയർന്ന പ്രായപരിധി നിലവിലുണ്ടെങ്കിൽ അത് തുടരും. വർഷങ്ങളായി നിയമനങ്ങൾ കുറവായിരുന്ന സാഹചര്യത്തിൽ നിരവധി ഉദ്യോഗാർഥികൾക്ക് ആശ്വാസമാകും സുവേന്ദു അധികാരിയുടെ പുതിയ തീരുമാനം.
