ന്യൂഡല്‍ഹി: അഫ്ഗാനിസ്ഥാനെതിരായ ഏക ടെസ്റ്റും മൂന്ന് ഏകദിനങ്ങളും അടങ്ങുന്ന പരമ്പരയ്‌ക്കുള്ള തയ്യാറെടുപ്പിലാണ് ഇന്ത്യന്‍ ക്രിക്കറ്റ് ടീം. ജൂണ്‍ 6-ന് ടെസ്റ്റ് മത്സരവും ജൂണ്‍ 13-ന് ഏകദിന പരമ്പരയും ആരംഭിക്കും. പരമ്പരയ്‌ക്കുള്ള ടീമിനെ ബിസിസിഐ പ്രഖ്യാപിച്ചു കഴിഞ്ഞു. ജൂണ്‍ 13 നു നടക്കാന്‍ ഇരിക്കുന്ന ഇന്ത്യ-അഫ്ഘാന്‍ മത്സരത്തില്‍ ആണ് രോഹിത്തും, ഹാര്‍ദിക്കും ടീമില്‍ ഉള്‍പ്പെട്ടിട്ടുള്ളത്, പക്ഷെ അതിന് മുമ്പ് തന്നെ ഇരുവര്‍ക്കും ഫിറ്റ്‌നസ് ടെസ്റ്റ് ക്ലിയര്‍ ആവേണ്ടതുണ്ട് ഐപിഎല്ലിന് ഇടയിലെ പരിക്ക് കാരണമാണ് ഇരുവര്‍ക്കും ഫിറ്റ്‌നസ് തെളിയിക്കേണ്ട ആവശ്യം വന്നത്.
ഹാര്‍ദിക്കിന് പുറം വേദന കാരണവും, രോഹിത്തിനു ഹാംസ്ട്രിങ് ഇഞ്ചുറി കാരണവും ഐപിഎല്‍ മത്സരങ്ങള്‍ നഷ്ട്ടമായിരുന്നു, ഇരുവരും പിന്നീട് കളിക്കാന്‍ ഇറങ്ങിയെങ്കിലും പരിക്ക് പൂര്‍ണമായും ഭേദമായോ എന്ന് ഉറപ്പ് വരുത്തണം, അതിന് വേണ്ടിയാണ് ഈ ഫിറ്റ്‌നസ് ടെസ്റ്റ്. അഫ്ഘാനിസ്ഥാനു എതിരെ ഒരു ടെസ്റ്റും, 3 ഏകദിനവും ആണ് ഇന്ത്യന്‍ ടീം കളിക്കാന്‍ പോകുന്നത്. 2027 വേള്‍ഡ് കപ്പിന് മുന്നോടി ആയി ഒരു സ്റ്റേബിള്‍ ആയ ഒരു ടീം കോമ്പിനേഷന്‍ കണ്ടുപിടിക്കാന്‍ ഇനി വരുന്ന ടൂര്‍ണമെന്റുകള്‍ നിര്‍ണായകമായേക്കും എന്നിരിക്കെ രോഹിത്തിനും, ഹാര്‍ദിക്കിനും ഫിറ്റ്‌നസ് തെളിയിച്ചു ടീമില്‍ സ്ഥിരതയോടെ പ്രകടനം കാഴ്ച വയ്‌ക്കേണ്ടതായി വരും
ഹാര്‍ദിക് പാണ്ഡ്യ ബെംഗളൂരുവിലെ ബിസിസിഐ സെന്റര്‍ ഓഫ് എക്‌സലന്‍സില്‍ (ഇീഋ) എത്തി ഒരാഴ്ചത്തെ പരിശീലനത്തിന് ശേഷമാകും ടീമിനൊപ്പം ചേരുകയെന്നാണ് റിപ്പോര്‍ട്ട്. രോഹിത് ശര്‍മ്മയോടും കേന്ദ്രത്തില്‍ റിപ്പോര്‍ട്ട് ചെയ്യാന്‍ നിര്‍ദ്ദേശിച്ചിട്ടുണ്ടെങ്കിലും, അദ്ദേഹത്തിന്റെ നിലവിലെ അവസ്ഥയെക്കുറിച്ച് ഔദ്യോഗിക വിവരങ്ങള്‍ ലഭ്യമായിട്ടില്ല.
ഇന്ത്യയുടെ ഏകദിന സ്‌ക്വാഡ്: ശുഭ്മന്‍ ഗില്‍ (ക്യാപ്റ്റന്‍), രോഹിത് ശര്‍മ്മ, വിരാട് കോലി, ശ്രേയസ് അയ്യര്‍ (വൈസ് ക്യാപ്റ്റന്‍), കെ.എല്‍. രാഹുല്‍ (വിക്കറ്റ് കീപ്പര്‍), ഇഷാന്‍ കിഷന്‍ (വിക്കറ്റ് കീപ്പര്‍), ഹാര്‍ദിക് പാണ്ഡ്യ, നിതീഷ് കുമാര്‍ റെഡ്ഡി, വാഷിംഗ്ടണ്‍ സുന്ദര്‍, കുല്‍ദീപ് യാദവ്, അര്‍ഷ്ദീപ് സിംഗ്, പ്രസിദ്ധ് കൃഷ്ണ, പ്രിന്‍സ് യാദവ്, ഗുര്‍നൂര്‍ ബ്രാര്‍, ഹര്‍ഷ് ദുബെ.
