പാലക്കാട്: തച്ചമ്പാറയില് വിദ്യാർത്ഥികളുമായി പോകുന്നതിനിടെ സ്കൂള് ബസിന്റെ വാതിൽ അടര്ന്ന് വീണു. രാവിലെ 9 :30 ന് തച്ചമ്പാറ ദേശബന്ധു സ്കൂളിലേക്ക് കുട്ടികളുമായി പോവുകയായിരുന്നു സ്കൂള് മിനി ബസിന്റെ ഡോറാണ് റോഡിലേക്ക് അടര്ന്ന് വീണത്.
തച്ചമ്പാറ ജംഗ്ഷനില് നിന്നും അരപ്പാറ റോഡ് വഴി സ്കൂളിലേക്ക് പ്രവേശിക്കുമ്പോഴാണ് സംഭവം മോട്ടോര് വാഹന വകുപ്പിന്റെ ഫിറ്റ്നസ് പരിശോധന കഴിഞ്ഞ് രണ്ടാഴ്ച്ച തികയും മുന്പാണ് ബസ്സിന്റെ വാതിൽ തകർന്നത്. ആലപ്പുഴയിലെ ഒരു സ്കൂളിന്റെ പേരാണ് ബസിലുള്ളത്
അടിയന്തിര ഘട്ടത്തില് എത്തിച്ച സ്കൂള് ബസ് ആണിതെന്നും ഇപ്പോള് താല്ക്കാലികമായി ഓടുകയാണെന്നും മറ്റു നടപടി ക്രമങ്ങള് പൂര്ത്തീകരിച്ചുവരികയാണെന്നും സ്കൂള് അധികൃതർ പറയുന്നു.
