പത്തനംതിട്ട: കലഞ്ഞൂരിൽ കാറും ലോറിയും കൂട്ടിയിടിച്ച് രണ്ട് മരണം. ഇടിയുടെ ആഘാതത്തിൽ ലോറി തോട്ടിലേക്ക് മറിഞ്ഞു. പുനലൂർ – മൂവാറ്റുപുഴ സംസ്ഥാനപാതയിൽ ആണ് അപകടം. കാർ യാത്രികരാണ് മരിച്ചത്. മൂന്നു പേർക്ക് ഗുരുതര പരുക്ക്
കാറിൽ ഉണ്ടായിരുന്ന ജനനി, സുന്ദർരാജ് എന്നിവരാണ് മരിച്ചത്. നാല് പേർ ആണ് കാറിൽ ഉണ്ടായിരുന്നത്.
പ്രണവ് (ആലുവ), പ്രണവിന്റെ ഭാര്യ ജനനി (ശിവകാശി), ജനനിയുടെ അച്ഛൻ സുന്ദർ രാജ് (ശിവകാശി), ജനനിയുടെ സഹോദരൻ ശിവശങ്കർ (ശിവകാശി) എന്നിവരായിരുന്നു കാർ യാത്രക്കാർ. ലോറിയിൽ 2 പേർ ഉണ്ടായിരുന്നു. പുളിയറ സ്വദേശികളായ വെങ്കിടേഷ്, വിനോദ് കുമാർ എന്നിവരാണ് ലോറിയിൽ ഉണ്ടായിരുന്നത്.
ഇവരെ പത്തനാപുരം സ്വകാര്യ ആശുപത്രിയിൽ നിന്നും പുനലൂർ സ്വകാര്യ ആശുപത്രിയിലേക്ക് മാറ്റി.
